Pa usiku wakuti namacero wapelekenge umoyo wake, Yesu wakaphalira ŵalondezgi ŵake kuti ŵakumbukirenge nyifwa yake. Ntheura wakacita ciphikiro ico cikucemeka kuti Mugonero wa Fumu panji kuti Monesko. Yesu wakatora cingwa cambura nthukumusi na vinyo liswesi, ndipo wakaŵaphalira kuti: “Lutilirani kucita ici kuti munikumbukenge.”—Luka 22:19.

Caka cilicose, Ŵakaboni ŵa Yehova pa caru cose ŵakuwungana pamoza kuti ŵakumbukire nyifwa ya Yesu. Caka cino, Cikumbusko cizamucitika pa Mande, 14 Epulero, para dazi lanjira.

Tikumucemani kuti muzakaŵepo pa cakucitika ici. Tizamupulika cifukwa ico nyifwa ya Yesu yiliri yakuzirwa kwa ise. Muzamulipira ndalama yayi pa mulyango. Kweniso kuzamuŵavya zithero. Munthu uyo wamupani magazini iyi wangamuphalirani nyengo na malo uko Cikumbusko ici cizamucitikira. Panji mungawonaso pa Webusayiti yithu ya jw.org. Conde, kuluwa yayi zuŵa la Cikumbusko, cifukwa tikukhumba yayi kuti muzakakhale.