Mafumbo gha Baibolo Ghazgoleka
Kasi Ciuta wangatigowokera zakwananga zithu?
Nchakusuzga yayi kuti Ciuta watigowokere
Mwakuyana na ivyo Baibolo likuyowoya, ŵanthu wose mbakwananga. Tili kuhara kwananga kufuma kwa munthu wakwamba, Adamu. Lekani nyengo zinyake tikucita vinthu viheni ndipo pamasinda tingadandawura na ivyo tacita. Ndipouli, Mwana wa Ciuta Yesu Khristu wali kulipira mulandu mwa kutifwira. Tingagowokereka zakwananga cifukwa ca sembe yake yakuwombora. Ici nchawanangwa cakufuma kwa Ciuta.—Ŵazgani Ŵaroma 3:23, 24.
Ŵanthu ŵanyake ŵali kucita zakwananga zikuru comene mwakuti ŵakumanya yayi usange Ciuta wangaŵagowokera. Kweni nchakukondweska kuti Mazgu gha Ciuta ghakuti: “Ndopa za Mwana wake Yesu zikutitozga ku kwananga kose.” (1 Yohane 1:7) Usange munthu wapera Yehova wakumugowokera nanga wangaŵa kuti wacita zakwananga zikuru.—Ŵazgani Yesaya 1:18.
Kasi tikwenera kucitaci kuti Ciuta watigowokere?
Usange tikukhumba kuti Ciuta watigowokere, tikwenera kusambira vya iyo, kupulikiska nthowa zake, ivyo wakutiphalira, kweniso ivyo wakukhumba kuti ticitenge. (Yohane 17:3) Yehova wakugowokera awo ŵapera nadi na kuleka viheni ivyo ŵacitanga.—Ŵazgani Milimo 3:19.
Nchakusuzga yayi kuti Ciuta watigowokere. Yehova wakumanya kutondeka kwithu. Iyo ngwalusungu comene. Kasi ici cikumuciskani yayi kuti musambire vinandi pa umo mungamukondweskera?—Ŵazgani Salmo 103:13, 14.
Panji Mungatemwa Kuŵerengaso Nkhani Izi
GONGWE LA MULINDA
Kasi Mukuchita Ivyo Chiuta Wakukhumba?
Nangauli kupulikira Chiuta nkhwakuzirwa, kweni paliso vinyake ivyo tikwenera kuchita kuti tiŵe nayo paubwezi.
MAFUMBO AGHO BAIBOLO LIKUZGORA
Kasi Chiuta Wanigowokerenge?
Wonani ivyo Baibolo likuyowoya pa nkhani ya ivyo mungachita kuti Chiuta wamugowokerani zakwananga zinu.
GONGWE LA MULINDA
Kasi Vingachitika Kuti Timukondweske Chiuta?
Zgoro tikulisanga pa ivyo Yobu, Loti, na Davide ŵakachita, chifukwa wose ŵakachitapo maubudi ghakuru chomene.
