CIGAŴA 5
Kutolekera ku Wuzga ku Babulone Mupaka pa Kuzengaso Viliŵa vya Yerusalemu
Apo ŵakaŵa mu wuzga ku Babulone, Ŵaisrayeli ŵakakumana na viyezgo vinandi. Shadiraki, Misheki na Abedinego ŵakaponyeka mu ng’anjo ya moto, kweni Ciuta wakaŵafumyamo ŵamoyo. Mukuluta kwa nyengo, pamanyuma pakuti Babulone wabwangandulika na Ŵamedi na Ŵaperesiya, Daniyele wakaponyeka mu cizenje (cikhululu) ca nkharamu, kweni Ciuta wakamuvikiliraso mwa kujara milomo ya nkharamu.
Paumaliro pake Sayirasi, fumu ya Ŵaperesiya, yikasutura Ŵaisrayeli. Ŵakawelera ku caru cakwawo pati pajumpha waka vilimika 70 kufumira apo ŵakatolekera ku Babulone. Cinthu cimoza ico ŵakamba kucita ŵati ŵawelera ku Yerusalemu cikaŵa kuzenga tempele la Yehova. Ndipouli, pati pajumpha nyengo yicoko waka ŵalwani ŵakalekeska nchito yawo. Ntheura tempele likamara kuzengeka pati pajumpha vilimika pafupifupi 22 kufumira apo ŵakawelera ku Yerusalemu.
Pamanyuma pake, tisambirenge za ulendo wakuwelera ku Yerusalemu kukatozga tempele. Ici cikacitika vilimika pafupifupi 47 tempele lati lamara kuzengeka. Ndipo, vilimika 13 pamanyuma pa ulendo wa Ezira, Nehemiya wakawovwira kuzengaso viliŵa vya Yerusalemu. Cigaŵa CACINKONDI cili na vyakucitika ivyo vikatora vilimika 152 mupaka pa nyengo yino.
MU CHIGAŴA ICHI
NKHANI NAMBARA 77
Ŵakakana Kujikama
Kasi Chiuta wakaŵaponoska ŵanalume ŵatatu ŵakugomezgeka aŵa ku ng’anjo ya moto?
NKHANI NAMBARA 79
Daniyele mu Cikhululu ca Nkharamu
Daniyeli ŵakamupa chilango cha nyifwa, kweni kasi wakapona?
NKHANI NAMBARA 80
Ŵanthu ŵa Ciuta Ŵakawerako Ku Babulone
Fumu Sayirasi ya Peresiya yikafiska uchimi wa kuparanyika kwa babuloni, kweniso sono ukufiskikaso unyake.
NKHANI NAMBARA 81
Kugomezga Wovwiri wa Ciuta
Ŵaisrayeli ŵakaswa dango la ŵanthu kuti ŵakondweske Chiuta. Kasi Chiuta wakaŵatumbika?
NKHANI NAMBARA 82
Morodekayi na Esitere
Nangauli Fumukazi Vashiti wakaŵa wakutowa kweni Fumu Ahasuweru wakatora Esitere kuŵa Fumukazi yiphya. Chifukwa wuli?
NKHANI NAMBARA 83
Viliŵa vya Yerusalemu
Apo ŵakazengangaso viliŵa, ŵakeneranga kuŵa ŵakunozgeka kweniso kunozgerathu vilwero vyawo muhanya na nausiku.
