Cibeela Cakwiinduluka Mumukwasyi

Ino Ncinzi Citamo Mucifwanikiso Eeci?

Amubale Tusimpi 18:10 a 26:17. Lino kamuzilanga zifwanikiso eezyi. Nzyintu nzi zitako zyaambwa mulugwalo? Kamulemba bwiinguzi bwanu amizila iili ansi aawa. Kamutuswaanganya tudomwi kutobela manamba kutegwa muzimaninizye zifwanikiso, mpoonya muzipente

1. ․․․․․

2. ․․․․․

[Citondezyo]

CIBEELA CAKUBANDISYANYA:

Ino ncinzi ncomwiiya kuzwa kumagwalo aaya? Sena kuzyiba buyo zyina lya Leza caamba kuti inga twaakufwutuka?

KAAMBO KAGWASYA: Amubale Intembauzyo 91:2; Tusimpi 3:5, 6.

Nkaambo nzi ncomuteelede kunjilila twaambo tutamujatikizyi? KAAMBO KAGWASYA: Amubale Bagalatiya 6:5-7; 1 Batesalonika 4:11; 1 Petulo 4:15.

Mwamana, mubale Tusimpi 6:18, 19. Sena masesya aali oonse ali kabotu?

KAAMBO KAGWASYA: Amubale Tusimpi 14:13; 15:21; Matayo 7:12.

ZYAKUCITA MUMUKWASYI:

Amubale Tusimpi 31:10-31 antoomwe. Kakunyina kubandika, umwi wamumukwasyi ulakonzya kusobana cibeela camukaintu mubotu iwaambwa mucibalo cili mulugwalo oolu. Banamukwasyi bamwi beelede kuzyiba zyintu nzyacita muntu ooyo mucisobano. Amubandike milimo njomukonzya kwiiya kutegwa mube mbuli mukaintu ooyu.

 Kamuyobola kutegwa kamwiiya

Amutende, mupeteke, akuyobola

KAKKAADI KAMAKANI AAMU BBAIBBELE 7 PETRO

MIBUZYO

A. Ino nkaambo nzi Petro ncaakatalika kubbila?

B. Sena kaambo aaka nkamasimpe naa nkakubeja? Petro kunyina naakakwete.

C. Ciindi basololi bazikombelo nibakaambila baapostolo kuti baleke kuyiisya, Petro alimwi abaapostolo bambi bakaingula kuti: “Tweelede . . . ”

[Ccaati]

4026 B.C.E. 1 C.E. 98 C.E.

Adamu walengwa Wakapona mumwaanda

wamyaka wakusaanguna C.E.

Bbuku lyamamanino lyamu Bbaibbele lyalembwa

[Maapu]

Wakakkala ku Betesaida aku Kapenauma

GALILAYA

Kapenauma

Betesaida

Lwizi lwa Galilaya

PETRO

MAKANI AAJATIKIZYA NGUWE

Muzubi wanswi iwakali kubeleka canguzu wakazikuba umwi wabasikwiiya ba Jesu bataanzi. Jesu wakamusala Petro kuba umwi wabaapostolo, naa batumwa bakwe bali 12. Mabbuku one aamakani mabotu aamba kapati zyintu nzyakaamba Petro kwiinda nzyobakaamba baapostolo bamwi. Jehova wakamubelesya kapati mukukambauka alimwi ‘akuyumyayumya banyina.’—Luka 22:32; Maako 3:13-19.

BWIINGUZI

A. Nkaambo wakadooneka.—Matayo 14:28-31.

B. Nkakubeja.—Maako 1:29-31; Johane 1:42; 1 Bakolinto 9:5.

C. “. . . kumvwida Leza mbwali ngomweendelezi kutali bantu.”—Milimo 5:18, 27-29.

KAKKAADI KAMAKANI AAMU BBAIBBELE 8 HEZEKIYA

MIBUZYO

A. Ino Hezekiya wakajisi myaka yongaye yakuzyalwa naakaba mwami mucisi ca Juda?

B. Ino Jehova wakayungizya myaka yongaye camaleele kubuumi bwa Hezekiya?

C. Kolemba bbala liyandika abusena aali keengo. Akaambo kamipailo alimwi akusyomeka kwa Hezekiya, Jehova wakatuma mungelo kujaya basikalumamba bana Asuri ibali ․․․․․.

[Ccaati]

4026 B.C.E. 1 C.E. 98 C.E

Adamu walengwa Wakapona cakuma Bbuku lyamamanino lyamu Bbaibbele lyalembwa

700 B.C.E.

[Maapu]

Wakali kukkala mu Jerusalemu

ASURI

Jerusalemu

HEZEKIYA

MAKANI AAJATIKIZYA NGUWE Mwami uusyomeka iwakayakulula alimwi akujalula tempele lya Leza, wakanyonyoona zipangaliko zyabukombi bwakubeja, alimwi akwaambila bantu kuti kabacita Pobwe Lyakwiindilila. (2 Bami 18:4; 2 Makani 29:3; 30:1-6) Nokuba kuti bausyi Hezekiya, Mwami Ahazi bakajisi cikozyanyo cibyaabi, walo Hezekiya “wakakakatila kuli-Jehova.”—2 Bami 18:6.

BWIINGUZI

A. Myaka iili 25.—2 Bami 18:1, 2.

B. Myaka iili 15.—2 Bami 20:1-6.

C. 185,000.—2 Bami 19:15, 19, 35, 36.

● Bwiinguzi bwa “CIBEELA CAKWIINDULUKA MUMUKWASYI” buli apeeji 24

 BWIINGUZI KUMIBUZYO IILI APEEJI 30 ALIMWI A 31

1. Ngazi injumu. 2. Mubwa.