Makani Aantalisyo Aacibeela 2
Ino nkaambo nzi Jehova ncaakaletela zambangulwe ilyakanyonyoona nyika yamazuba aalya? Kumatalikilo ciindi bantu nobakalengwa, kuli nkondo yakatalika—nkondo eeyo yakali akati kabubotu abubi. Bantu bamwi mbuli Adamu, Eva alimwi amwanaabo Kaini, bakasala kuba kulubazu lwabubi. Bamwi basyoonto mbuli Abelo a Nowa, bakasala kuba kulubazu lwabubotu. Bunji bwabantu bakabija cakuti Jehova wakainyonyoona nyika iilya mbyaabi. Cibeela eeci cilatugwasya kubona kuti Jehova ulabona kulubazu nkotubede alimwi takazumizyi bubi kuzunda bubotu.
MUCIBEELA EECI
Ba Adamu a Eva Bakamuzangila Leza
Nkaambo nzi cisamu comwe buyo mumuunda wa Edeni ncocakalibedelede? Ino ncinzi cakapa kuti Eva alye mucelo?
Kunyema Kwakasololela Kukujaya Muntu
Leza wakacizumina cituuzyo ca Abelo pele kutali ca Kaini. Ciindi Kaini naakazyiba oobo, wakanyema kapati alimwi wakacita cintu cibyaabi kapati.
Bwato bwa Nowa
Ciindi bangelo bazangi nobakakwata bamakaintu anyika, bakazyala bana basilunya ibakazyandamene kapati. Kwakali nkondo koonse-koonse. Pele Nowa wakaliindene
Bantu Bali 8 Bafwutuka Akunjila Munyika Mpya
Mvwula yakawa mazuba aali 40 masiku asyikati. Nowa amukwasyi wakwe bakakkala mubwato kwaciindi ciinda kumwaka omwe. Mpoonya Leza wakabaambila kuti bazwe mubwato.
