Kosepele ea Matheu 1:1-25
1 Buka ea histori* ea Jesu Kreste* mora oa Davida.+ Davida o tsoa lelapeng la Abrahama:+
2 Abrahama a tsoala Isaka,+Isaka a tsoala Jakobo,+Jakobo a tsoala Juda+ le bana babo,
3 Juda a tsoala Pereze le Zera+ ka Tamare,Pereze a tsoala Hezrone,+Hezrone a tsoala Rame,+
4 Rame a tsoala Aminadabe,Aminadabe a tsoala Nashone,+Nashone a tsoala Salmone,
5 Salmone a tsoala Boase ka Rahaba,+Boase a tsoala Obede ka Ruthe,+Obede a tsoala Jese,+
6 Jese a tsoala Morena Davida.+Davida a tsoala Solomone+ ka mosali oa Uria,
7 Solomone a tsoala Roboame,+Roboame a tsoala Abija,Abija a tsoala Asa,+
8 Asa a tsoala Josafate,+Josafate a tsoala Jorame,+Jorame a tsoala Uzia,
9 Uzia a tsoala Jothame,+Jothame a tsoala Akaze,+Akaze a tsoala Ezekiase,+
10 Ezekiase a tsoala Manase,+Manase a tsoala Amone,+Amone a tsoala Josiase,+
11 Josiase+ a tsoala Jekonia+ le bana babo. Ba hlahile nakong eo Bajuda ba neng ba isoa Babilona.+
12 Ha ba se ba le Babilona, Jekonia a tsoala Shalatiele,Shalatiele a tsoala Zorobabele,+
13 Zorobabele a tsoala Abiude,Abiude a tsoala Eliakime,Eliakime a tsoala Azore,
14 Azore a tsoala Tsadoke,Tsadoke a tsoala Akime,Akime a tsoala Eliude,
15 Eliude a tsoala Eleazare,Eleazare a tsoala Mathane,Mathane a tsoala Jakobo,
16 Jakobo a tsoala Josefa. Josefa e ne e le monna oa Maria ’mè oa Jesu+ ea bitsoang Kreste.+
17 Kahoo, meloko eohle e ne e eme tjena: Ho tloha ho Abrahama ho fihlela ho Davida e ne e le meloko e 14. Ho tloha ho Davida ho fihlela ha Bajuda ba isoa Babilona e le meloko e 14 ’me ho tloha ha Bajuda ba isoa Babilona ho fihlela ho Kreste e le meloko e 14.
18 Ha Jesu Kreste a tla hlaha, ho ile ha etsahala tjena: Nakong eo Josefa a neng a lebelelitse Maria, Maria o ile a ima ka moea o halalelang*+ pele ba nyalana.
19 Kaha Josefa monna oa Maria o ne a lokile ebile a sa batle ho mo hlabisa lihlong, a rera ho mo hlala ka lekunutu.+
20 Ka mor’a hore a nahanisise ka lintho tsena, a bona lengeloi la Jehova* torong le re: “Josefa, mora oa Davida, u se ke oa tšaba ho isa Maria mosali oa hao lapeng hobane o imme ngoana eo ka moea o halalelang.+
21 O tla tsoala mora ’me u tla mo reha Jesu*+ hobane o tla pholosa batho ba habo libeng tsa bona.”+
22 Tsena tsohle li etsahetse ho phethahatsa mantsoe ao Jehova* a ileng a a bua ka moprofeta oa hae, ha a re:
23 “Moroetsana o tla ima ’me a tsoale mora, ba mo rehe Emanuele,”+ eo ha e fetoleloa e bolelang “Molimo o na le Rona.”+
24 Eaba Josefa oa tsoha ’me o etsa kamoo lengeloi la Jehova* le neng le mo laetse kateng, a isa mosali oa hae lapeng.
25 Empa ha aa ka a etsa thobalano le eena ho fihlela a tsoetse mora+ eaba o mo reha Jesu.+
Linaletsana
^ Kapa: “Mesia; Morena ea khethiloeng ke Molimo.”
^ Kapa: “leloko.”
^ Kapa: “matla ao Molimo a a sebelisang.”
^ Lena ke lekhetlo la pele ho a 237 moo lebitso la Molimo e leng Jehova, le hlahang ka Mangolong a Segerike a Bakreste. Sheba Ntlha ea A5.
^ Le batla le tšoana le Jeshua kapa Joshua e leng lebitso la Seheberu le bolelang “Jehova ke Mopholosi.”
^ Sheba Ntlha ea A5.
^ Sheba Ntlha ea A5.
