Deuteronoma 32:1-52
32 “Mamelang lona maholimo ’me ke tla bua,Lefatše le ke le utloe mantsoe a tsoang molomong oa ka.
2 Taeo ea ka e tla na joaloka pula,Mantsoe a ka a tla rotha joaloka phokaJoaloka pula ea melupe holim’a joangLe joaloka pula e nang haholo holim’a limela.
3 Ke tla bolela lebitso la Jehova.+
Buang ka boholo ba Molimo oa rona!+
4 Ke Lefika, lintho tsohle tseo a li etsang li phethahetse+Hobane litsela tsohle tsa hae li na le toka.+
Ke Molimo ea tšepahalang+ le ea se nang leeme,+O lokile ’me oa hlompheha.+
5 Ke bona ba entseng bobe.+
Ha se bana ba hae ’me ke molato oa bona.+
Ke moloko o sa lokang le o khopo!+
6 Na le lokela ho tšoara Jehova ka tsela ee,+Lona batho ba se nang kelello le ba seng bohlale?+
Na ha se eena Ntate oa lona ea le bopileng,+Ea le entseng sechaba se tiileng?
7 Hopolang matsatsi a khale,Hopolang se etsahalletseng meloko e fetileng.
Botsang ntate oa lona ’me a ka le bolella,+Le botse banna ba baholo ba lona ’me ba tla le bolella.
8 Ha Ea Phahameng ka ho Fetisisa a ne a fa lichaba lefa la tsona,+Ha a ne a arola bara ba Adama,*+O ile a behela lichaba moeli+Ho ea ka hore na bara ba Iseraele ba bakae ka palo.+
9 Sechaba ke sa Jehova,+Jakobo ke lefa la hae.+
10 O mo fumane lefeelleng+Le lehoatateng le feela, le se nang letho.+
A mo sireletsa ka hore a mo pota-pote, a mo hlokomela,+Le ho mo sireletsa joaloka thaka ea leihlo la hae.+
11 Feela joalokaha ntsu e ruta malinyane a eona ho fofa,E fofa-fofa holim’a ’ona,E emisa mapheo a eona, e nka malinyane a eona,E a jara ka masiba a eona,+
12 Ke Jehova feela ea neng a mo* tataisa,+Ho ne ho se molimo e mong ea neng a e-na le eena.+
13 O ile a etsa hore a laole libaka tse phahameng lefatšeng,+Hoo a ileng a ja lijo tsa naha.+
O ne a mo fepa mahe a linotši a tsoang lefikengLe oli e tsoang lefikeng le thata,
14 Botoro e tsoang lebeseng la mohlape oa likhomo le lebese le tsoang mohlapeng oa linku le lipoliHammoho le linku tse ntle ka ho fetisisa,*Le liramo tsa Bashane le lipoli tse tonaHammoho le koro e ntle ka ho fetisisa+’Me o ile oa noa veine ea morara o tutsoeng.*
15 Ha Jeshurune* a nona, o ile a fetohela mong’a hae ’me a mo raha.
O nonne, o motenya ebile o pipitletsoe.*+
Kahoo, a lahla Molimo ea mo entseng+A hloea Lefika la poloko ea hae.
16 Ba ile ba mo halefisa ka melimo e meng,+Ba ne ba mo utloisa bohloko ka ho etsa lintho tse nyonyehang.+
17 Ba ne ba etsetsa bademona mahlabelo, eseng Molimo,+Melimo eo ba sa kang ba e tseba,E mecha e sa tsoa hlaha,Melimo eo baholo-holo ba lona ba neng ba sa e tsebe.
18 Le lebetse Lefika le ileng la le tsoala+’Me ha lea ka la hopola Molimo ea ileng a le fa bophelo.+
19 Ha Jehova a bona seo, o ile a ba lahla+Hobane bara le barali ba hae ba ile ba mo halefisa.
20 Eaba o re, ‘Ke tla ba patela sefahleho sa ka,+Ke tla bona hore na ho tla etsahala’ng ka bona.
Kaha ke moloko o mobe,+Bara ba sa tšepahaleng.+
21 Ba nkhalefisitse* ka ntho eo eseng molimo,+Ba nkutloisitse bohloko ka litšoantšo tsa bona tse rapeloang tse se nang thuso.+
Kahoo, ke tla etsa hore ba halefele batho bao eseng sechaba,+Ke tla ba khopisa ka sechaba se se nang kelello.+
22 Khalefo ea ka e tsositse mollo+O tla tuka ho fihlela botebong ba Lebitla*+O tla chesa lefatše le lihlahisoa tsa lonaO tla chesa metheo ea lithaba.
23 Ke tla eketsa litlokotsi tsa bona,Metsu ea ka e tla fella holim’a bona.
24 Ba tla khathatsoa ke tlala+Ba qetoe matla ke feberu e chesang ’me ba felisoe habohloko.+
Ke tla romela meno a liphoofolo ho bona+Le chefo ea lihahabi tsa lefatše.
25 Ka ntle, sabole e tla ba amoha bana,+Ka hare ke tšabo,+Ho mohlankana le moroetsana,Lesea hammoho le motho ea moriri o moputsoa.+
26 Nka be ke itse: “Ke tla ba hasanya,Ke tla etsa hore batho ba ba lebale,”
27 Hoja ebe ke ne ke sa tšabe hore na sera sa ka se tla re’ng+Hobane bahanyetsi ba ka utloisisa sena ka tsela e fosahetseng.+
Ba ka ’na ba re: “Re hlotse ka matla a rona,+Ha se Jehova ea entseng sena sohle.”
28 Kaha ke sechaba se se nang kelello*’Me ha se utloisise letho.+
29 Haeba ba ne ba le bohlale,+ ba ne ba tla nahanisisa ka sena.+
Ba ne ba tla nahana ka se tla ba etsahalla.+
30 Ke joang motho a le mong a ka lelekisang ba 1 000’Me ba babeli ba balehisa ba 10 000?+
Ntle le haeba Lefika la bona le ba rekisitse+’Me Jehova a nehelane ka bona.
31 Kaha lefika la bona ha le tšoane le Lefika la rona,+Esita le lira tsa rona li utloisisa sena.+
32 Hobane sefate sa bona sa morara se tsoa sefateng sa morara sa SodomaLe masimong a Gomora.+
Merara ea bona ke merara e chefo,Masihla a eona aa baba.+
33 Veine ea bona ke chefo ea linohaChefo e bolaeang ea bo-masumu.
34 Boitšoaro ba bona bo koalletsoe,Bo bolokiloe ka hloko ka tlung ea ka ea polokelo?+
35 Phetetso ke ea ka le kotlo ke ea ka,+Ka nako e behiloeng ha maoto a bona a thella+Hobane letsatsi la koluoa ea bona le haufi’Me se ba emetseng se tla tla ka potlako.’
36 Kaha Jehova o tla ahlola batho ba hae+’Me o tla utloela bahlanka ba hae bohloko*+Ha a bona hore ha ba sa na matla’Me ho setse feela ba hlokang thuso le ba fokolloang ke matla.
37 Joale o tla re, ‘Melimo ea bona e hokae,+Lefika leo ba batlileng setšabelo ho lona,
38 E neng e ja mafura a mahlabelo* a bona,E noa veine ea linyehelo tsa bona tsa lino?+
E ke e eme ’me e le thuse.
E ke e be setšabelo sa lona.
39 Ke ’na Molimo+’Me ha ho melimo e meng ntle le ’na.+
Kea bolaea ebile kea phelisa.+
Ke ntša maqeba+ ’me ke tla folisa.+
Ha ho na ea ka pholosang ba bang letsohong la ka.+
40 Kaha ke phahamisetsa letsoho la ka leholimong,“Ke hlapanya ka bophelo ba ka bo sa feleng,”+
41 Haeba ke leotsa sabole ea ka e benyang’Me ke itokisetsa ho ahlola,+Ke tla iphetetsa ho bahanyetsi ba ka+’Me ke otle ba ntlhoileng.
42 Ke tla etsa hore metsu ea ka e tahoe ke mali’Me sabole ea ka e tla ja namaLe mali a ba bolailoeng le a batlamuoaLe lihlooho tsa baeta-pele ba sera.’
43 Thabang lona lichaba hammoho le batho ba hae+Hobane o tla pheteletsa mali a bahlanka ba hae,+O tla iphetetsa ho bahanyetsi ba hae,+O tla etsa sehlabelo sa ho tšoareloa libe* naheng ea batho ba hae.”
44 Kahoo, Moshe a tla ’me a bua mantsoe ’ohle a pina ena moo sechaba se ntseng se mo utloa+ hammoho le Hoshea*+ mora oa Nune.
45 Ha Moshe a se a boleletse Baiseraele bohle mantsoe ana ’ohle,
46 a re ho bona: “Mamelang mantsoe ana ’ohle ao ke a buang+ e le hore le ka laela bara ba lona hore ba phethe mantsoe ’ohle a Molao ona.+
47 Kaha mantsoe ana ke a bohlokoa, a bolela bophelo ba lona.+ Ka mantsoe ana le ka phela nako e telele naheng eo le tšelang Jordane ho ea e nka.”
48 Jehova a bua le Moshe letsatsing lona lena a re:
49 “Nyolohela thabeng ena ea Abarime+ e leng Thaba ea Nebo+ e naheng ea Moabe, e shebileng Jeriko ’me u shebe naha ea Kanana, eo ke e fang Baiseraele hore e be ea bona.+
50 Joale u tla shoela* thabeng eo u tl’o nyolohela ho eona feela joalokaha abuti oa hao Arone a shoeletse Thabeng ea Hore+
51 hobane ka bobeli ba lona ha lea ka la ntšepahalla har’a Baiseraele metsing a Meriba+ ea Kadeshe lefeelleng la Zine ’me ha lea ka la nkhalaletsa ka pel’a sechaba sa Iseraele.+
52 U tla bona naha u le hole empa u ke ke oa kena naheng eo ke e fang sechaba sa Iseraele.”+
Linaletsana
^ Kapa mohlomong: “moloko oa batho.”
^ E leng Jakobo.
^ Ka Seheberu: “mafura a linku.”
^ Ka Seheberu: “mali a morara.”
^ E bolelang “Ea Lokileng,” e leng tlotla e hlomphang Iseraele.
^ Kapa: “o khotše haholo.”
^ Kapa: “Ba entse hore ke be mona.”
^ Kapa: “Sheole.” Sheba Tlhaloso.
^ Kapa mohlomong: “ha se utloe keletso.”
^ Kapa: “o tla ikutloa a soabile.”
^ Kapa: “e ja mahlabelo a bona a matle ka ho fetisisa.”
^ Kapa: “o tla hloekisa.”
^ Lebitso la Joshua la pele. Hoshea ke khutsufatso ea Hoshaia e bolelang “Ho Pholosoa ke Jah; Jah o Pholositse.”
^ Ka Seheberu: “a patoa joaloka batho ba habo.”
