Ee, Yihowa Farciˈraasine xagisidhanno. Mannimmanke keeraanchimma agadhate sharrammeemmoha ikkirono, mito woyite “xagisannohu” hasiisannonke. (Luqaasi 5:31) Isinni umi xibbi diro heeˈrino Kiristaanchi Luqaasi gede mite Yihowa Farciˈraasine akimootaho.—Qolasiyaasi Sokka 4:14.

 Mite xagisiˈnanni doogo Qullaawu Maxaafi seeri ledo sumuu yitannokki daafira dixagisiˈneemmo. Lawishshaho Qullaawu Maxaafi mundee adha hasiissannokkita kulanno daafira mundee diadhineemmmo hattono diuyineemmo. (Soqqamaasinete Looso 15:20) Qullaawu Maxaafi agaanintete ledo xaadooshshe afiˈrino hikkiminnano difajjanno.—Galatiyu Sokka 5:19-21.

 Ikkirono, rooru hikkiminni Qullaawu Maxaafi seeri ledo kiphi diyaanno. Hakko daafira, mittu mittunku manchi ma garinni xagisiˈrannoro doodhanno. Mittu Yihowa Farciˈraasinchi doodhino hikkiminna wolu Yihowa Farciˈraasinchi kayinni doodha hoogara dandaanno.—Galatiyu Sokka 6:5.