Imbaaqoomi 2:1-20
2 Agarete baychoꞌya fule uurreemmo;Agarooshshu huxxi aanano uurreemmo.
Ane widoonni maa coyiꞌrannoro laeemmo gedennaSeejjinannie woyte qoleemmore afeemmo gede, baqqi yee agadheemmo.
2 Yihowano togo yee qolie:
“Huurosi naggi asse nabbawannohu qarramikkinni* nabbawa dandaanno gede,Ajuuja borreessite wori; bocame kinna aanano xawe leellanno gede assite sumudi.
3 Ajuuja hirqinoonni yannase agadhitannona;Gumulose widira higgeno muddantanno; qoleno dikaphitanno.
Keeshshituro nafa* hexxotenni agadhi!
Mitte huluullo nafa nookkiha woꞌmitannona.
Ajuuja dikeeshshitanno!
4 Naaxxaleessa mancho lai;*Giddosi suwashsho diꞌꞌikkitino.
Keeraanchu manchi kayinni ammanamatenni* heeꞌranno.
5 Addanko woyne doggannota ikkitino daafira,Booꞌnaleessu manchi mixosi wonshiꞌre diafanno.
Hasattosi* Waammate* gede asse halashshiꞌranno;Isi reyote gedeeti; diduuwannoho.
Daga baala gamba assiꞌra diaguranno;Manna baalano umisira duuꞌnanno.
6 Kuni baalu manni isira dimaammaahanno? Qoleno isira kisonna murgo dicoyiꞌranno?
Insa togo yitanno:
‘Umisiha ikkinokkiha gamba assiꞌrannohura,Qoleno asale batisiꞌrannohura aanneꞌe!Tenne assannohu mamooti geeshshaati?
7 Liqiissituheri hedeweelcho dikaꞌanno?
Insa baqqi yite wolqatenni shaffannohe;Atino insa mulqidhannoha ikkatto.
8 Lowo daga jajja mulqiꞌrootto daafira,Dagate giddonni gattinori baalu mulqidhannohe;Korkaatuno ati mannu ooso mundee dunootto;Qoleno baatto, katammannaInsa giddo heedhannore farritto assiꞌrootto.
9 Baotenni gatara,Minesi gotti yiino darga miꞌnate,Garimale qiniite minesi gamba assiꞌrannohura aanneꞌe!
10 Minikkira shollinye abbannore malootto.
Lowo manna coꞌo assite gudde umikki* aana cubbo loosootto.
11 Kinchu, huxxu giddo heeꞌre raaranno;Iimiidi haqqe giddonnino mittu mokkollichi dawaranno.
12 Mundee dune katama minannohurannaBunshetenni xintannohura aanneꞌe!
13 Kuneeti mannu giira ittannorira daafuranno gede,Qoleno daga haafu coyra daafurtanno gede assannohu olantote Magano Yihowa diꞌꞌikkino?
14 Way baara woꞌme diwannohu gede,Yihowa ayirrinye afano baatto woꞌmitanno.
15 Teedansa laꞌꞌara yee,Hanqosinna aarasi karsiiseMiillasira ago oye dimbisannohura aanneꞌe!
16 Ayirrinyu baycho shollinyu woꞌmannohe.
Atino agi; barcimoottokkiha ikkakki leelto.*
Qiniiticho Yihowa angara noo finiinchi alba atewa higanno.Ayirrinyekkino shollinyu diwanno;
17 Libaanoosi assiꞌrootto beebba amaddannohe;Dubbu moycho masissu baono atera iillitannohe;Korkaatuno ati mannu ooso mundee dunootto;Qoleno baatto, katammannaInsa giddo heedhannore farritto assiꞌrootto.
18 Bonce seekkinoonni misile,Mannu seekkinota ikkituro maa kaaꞌlitanno?
Seekki manchi addaxxisero nafa,Siwiilunni seekkinoonni misilenna* kaphu rosiisaanchi maa asse afanno?Coyiꞌra dandiitannokkita haafa maganna seekka maa kaaꞌlitanno?
19 Haqqa “Baqqi yii!” yaannohura,
Coyiꞌra dandaannokki kinchono, “Gotti yii! Rosiisinke!” yaannohura aanneꞌe!
Kuneeti culkanna birra xallinoonni;Giddosino fooleho yinanniri horo dino.
20 Yihowa kayinni qullaawu minisi giddo no.
Baatto baala, albasiinni sammi yii!’”
Lekkaalliidi Qaagiishshuwa
^ Woy “taashshe.”
^ Woy “Keeshshitinoha lawiro nafa.”
^ Woy “Kuneeti lubbosi booꞌnatenni boorantino.”
^ “Ammanatenni” yaano ikkara dandaanno.
^ Woy “Lubbosi.”
^ Woy “Sioolete.” Mannu ooso baalate waamma xawisanno. Qaallate Tiro lai.
^ Woy “lubbokki.”
^ “Gaggawi” yaano ikkara dandaanno.
^ Woy “daashshine seekkinoonni hawultenna.”
