Bai na kontenido

Dios Ta Parti di un Trinidat?

Dios Ta Parti di un Trinidat?

E kontesta ku Beibel ta duna

Hopi di e asina yamá ‘iglesianan kristian’ ta siña hende ku Dios ta parti di un trinidat. Sinembargo, wak kiko Encyclopædia Britannica ta bisa: “Ni e palabra Trinidat ni e doktrina ta aparesé den Tèstamènt Nobo . . . E doktrina akí a desaroyá gradualmente atraves di siglonan i hopi diskushon.”

De echo, no tin ningun pasashi den Beibel ku ta deskribí Dios komo parti di un Trinidat. Tuma nota di e siguiente tekstonan di Beibel:

“SEÑOR ta nos Dios, SEÑOR ta ún!”—Deuteronomio 6:4, Beibel Santu.

“Abo, kende su nòmber ta Yehova, abo so ta e Haltísimo riba henter tera.”—Salmo 83:18.

“Pa haña bida eterno, nan tin ku siña konosé bo, e úniko Dios berdadero, i esun ku bo a manda, Hesukristu.”—Huan 17:3.

“Dios ta ún so!”—Galationan 3:20, Beibel na papiamentu koriente.

Dikon anto hopi religion ku ta yama nan mes kristian ta siña ku Dios ta parti di un Trinidat?