Bai na kontenido

Kiko Ta Pasa ku Nos Ora Nos Muri?

Kiko Ta Pasa ku Nos Ora Nos Muri?

E kontesta ku Beibel ta duna

Beibel ta bisa: “E bibunan sa ku nan lo muri, ma e mortonan no sa nada.” (Eklesiástes 9:5, Beibel Santu; Salmo 146:4) P’esei, ora nos muri, nos ta stòp di eksistí. E ora ei nos lo no por pensa, sinti ni hasi nada.

“Na stòf lo bo bolbe”

Dios a bisa e promé hòmber Adam kiko ta pasa ora un hende muri. E tabata desobediente i p’esei Dios a bis’é: “Stòf bo ta i na stòf lo bo bolbe.” (Génesis 3:19, Beibel Santu) Promé ku Dios a krea Adam for “di stòf di tera,” Adam no tabata eksistí. (Génesis 2:7, Beibel Santu) Anto dia Adam a muri, el a bolbe na stòf i a stòp di eksistí.

Meskos ta pasa ku esnan ku ta muri awor. Beibel ta bisa di tantu hende komo bestia: “Tur a bini di stòf i tur ta bolbe na stòf.”​—(Eklesiástes 3:19, 20, Beibel Santu).

Morto no mester ta fin di tur kos

Beibel ta kompará morto ku soño. (Salmo 13:3; Huan 11:11-14; Echonan 7:60) Un persona ku ta den un soño profundo no sa mes kiko ta pasa rònt di dje. Meskos tambe, e mortonan no ta konsiente di nada. Pero Beibel ta bisa ku Dios por lanta e mortonan, komo si fuera for di soño, i duna nan bida atrobe. (Yòb 14:13-15) Pues, pa hende ku Dios resusitá, morto no ta fin di tur kos.