Bai na kontenido

Ekspertonan Ta Kere Ku Hesus A Eksistí?

Ekspertonan Ta Kere Ku Hesus A Eksistí?

Investigadónan tin base sólido pa kere ku Hesus ta eksistí. Algun historiadó di siglo 1 i 2 a referí na Hesus i tambe na e promé kristiannan. E Encyclopædia Britannica, edishon 2002, ta bisa: “E relatonan independiente akí ta duna prueba ku den pasado ni e opositornan di kristianismo no a duda nunka ku Hesus a eksistí di bèrdat. Ta te na final di siglo 18, durante siglo 19 i na kuminsamentu di siglo 20 numa hende a kuminsá lanta duda pa promé biaha riba e punto akí, anto sin sufisiente base.”

Na 2006, e buki Jesus and Archaeology (Hesus i Arkeologia) a bisa: “Awe, ningun eksperto respetá no ta kuestioná e echo ku un hudiu ku yama Hesus yu di Hose a yega di biba; mayoria di nan ta atmití mesora ku aworakí nos sa muchu mas tokante e kosnan ku el a hasi i di su siñansanan básiko.”

Beibel ta pinta Hesus komo un persona real. E ta menshoná nòmber di su antepasadonan i tambe di su famianan mas yegá. (Mateo 1:1; 13:55) Tambe Beibel ta menshoná nòmber di gobernantenan prominente ku a biba den tempu di Hesus. (Lukas 3:1, 2) E detayenan ei ta hasi posibel ku investigadónan por verifiká e eksaktitut di relatonan di Beibel.