Yehova a bendishoná Sálomon ku hopi sabiduria, i el a dun’é e privilegio di traha e tèmpel. Pero, tiki-tiki el a stòp di adorá Yehova. Si bo ta un mayor, splika bo yu kon e hendenan ku tabata adorá dios falsu a pone Sálomon hala for di Dios. E reino tabata partí den dos i vários rei malbado a laga e pueblo bira lomba pa Yehova i adorá imágen. Den e tempu ei, tabatin hopi profeta ku a keda fiel na Yehova, pero nan a ser persiguí i matá. Pa motibu di Reina Yézabèl, e reino di dies tribu di nort a rebeldiá mas ainda kontra Yehova. Esei tabata un tempu difísil den historia di Israel. Pero, ainda tabatin hopi fiel sirbidó di Yehova entre e israelitanan, manera Rei Yehósafat i Profeta Eliseo.