E sekshon akí ta trata historia di bida di Rei Saul i di Rei David, ku a kubri un periodo di alrededor di 80 aña. Na promé instante, Saul tabata humilde, i e tabatin rèspèt profundo pa Yehova. Pero despues, el a kambia i nenga di sigui guia di Yehova. Yehova no a gusta loke Saul tabata hasi. Despues di algun tempu, Yehova a bisa Sámuèl pa ungi David komo siguiente rei di Israel. Saul a bira masha yalurs riba David. Vários biaha, el a purba di mata David, pero David nunka a purba di mata Saul. Yónatan, kende tabata yu hòmber di Saul, tabata sa ku Yehova a skohe David pa bira rei. P’esei, el a keda leal na David. Aunke David a kometé vários piká, semper el a aseptá disiplina di Yehova.  Si bo ta un mayor, yuda bo yu mira ku ta importante pa semper hasi tur kos manera Yehova ta bisa.