Introdukshon di Sekshon 2
Dikon Yehova a trese un diluvio den pasado ku a destruí tur hende i tur bestia riba tera? For di komienso di historia di hende, a kuminsá un guera. Satanas a rebeldiá kontra Yehova Dios. Algun hende, manera Ádam, Eva i nan yu hòmber Kain, a skohe pa Satanas su banda. Algun otro hende, por ehèmpel, Abel i Noe, a skohe pa e banda di Yehova. Ku tempu, mayoria di hende a bira malbado. Nan a bira asina malbado ku Yehova a disidí di kaba ku e mundu malbado ei.
DEN E SEKSHON AKÍ
LÈS 3
Ádam ku Eva A Desobedesé Dios
Kiko tabata remarkabel di un sierto palu den e hòfi na Éden? Dikon Eva a kome fruta di e palu ei?
LÈS 4
Rabiamentu A Hiba na Matamentu
Dios a keda kontentu ku ofrenda di Abel, pero Dios no a gusta ofrenda di Kain. Ora Kain a haña sa esei, el a rabia masha hopi mes, i el a hasi algu masha malu.
LÈS 5
E Arka di Noe
Ora angel malbado a kasa ku hende muhé riba tera, nan a haña yu hòmber gigante i violento. Tur kaminda tabatin violensia. Pero Noe tabata diferente—el a stima Dios i obedesé Dios.
LÈS 6
Ocho Hende A Skapa i Kuminsá Biba den un Mundu Nobo
Awa a kai 40 dia i 40 anochi. Noe i su famia a keda mas ku aña den e arka. Ku tempu, nan por a sali for di e arka.
