Introdukshon di Sekshon 6
Finalmente, ora e israelitanan tabata den e Tera Primintí, e tabernakel tabata e lugá prinsipal pa hende adorá Yehova. E saserdotenan tabata siña hende e leinan di Yehova, i e huesnan tabata guia e nashon. E sekshon akí lo mustra ku un hende su desishonnan i kondukta por tin efekto grandi riba otro hende. Kada israelita mester a keda leal na Yehova i na su próhimo. Laga bo yu mira ki influensia Débora, Noemí, Hosue, Ana, e yu muhé di Yèfta i Sámuèl tabatin riba nan komunidat. I laga bo yu mira ku asta algun hende ku no tabata israelita, por ehèmpel, Ráhab, Rut, Yael i e hendenan di Gábaòn, a skohe banda di e israelitanan pasobra nan tabata sa ku Dios tabata ku e israelitanan.
DEN E SEKSHON AKÍ
LÈS 30
Ráhab A Skonde e Spionnan
E murayanan di Yériko a basha abou, pero Ráhab su kas, ku tabata keda riba muraya di e stat, sí no a basha abou.
LÈS 31
Hosue i e Hendenan di Gábaòn
Hosue a pidi Dios pa laga solo keda para ketu den shelu. Dios a kontestá su orashon?
LÈS 32
Un Lider Nobo i Dos Hende Muhé ku Hopi Kurashi
Despues ku Hosue a muri, e israelitanan a kuminsá adorá dios falsu. Bida no tabata fásil pa nan, pero Yehova a manda yudansa. El a usa Hues Bárak, Profeta Débora i Yael.
LÈS 33
Rut i Noemí
Dos señora ta bai Israel bèk despues ku nan kasá a fayesé. Un di nan tabata yama Rut. Rut a bai traha den kunuku. Einan, Bóaz a wak e.
LÈS 34
Gídeòn A Derotá e Madianitanan
E madianitanan tabata hasi bida di e israelitanan imposibel, p’esei nan a roga Yehova pa yuda nan. Kon Gídeòn su ehérsito chikitu a logra gana bataya kontra e 135.000 sòldánan madianita?
LÈS 35
Ana A Pidi Yehova un Yu Hòmber
Elkana a hiba Ana, Penina i e muchanan pa bai adorá Yehova na e tabernakel na Silo. Einan, Ana a pidi Yehova un yu hòmber. Un aña despues, Sámuèl ta nase!
LÈS 36
Yèfta Su Promesa
Kiko Yèfta a primintí Yehova, i dikon? Kiko e yu muhé di Yèfta a hasi ora el a haña sa kiko su tata a primintí Yehova?
LÈS 37
Yehova A Papia ku Sámuèl
E dos yu hòmbernan di Sumo Saserdote Elí tabata sirbi komo saserdote na e tabernakel, pero nan no tabata obedesé Dios su lei. Sámuèl tabata diferente, i Yehova a papia ku Sámuèl.
LÈS 38
Yehova A Duna Sámsòn Forsa
Dios a duna Sámsòn forsa pa e bringa kontra e filisteonan. Pero ora Sámsòn a tuma un mal desishon, e filisteonan a hib’é sera.
