(Lawig 39:40)

Hinulitan ni Jesus si Nicodemo, an babaying Samaritana, asin an mga tawo sa Nazaret pero bakong parareho an reaksiyon ninda. Kaiba sa episode na ini an minasunod na mga pagkasaysay:

• Ipinaliwanag ni Jesus ki Nicodemo an buot sabihon kan pagkamundag sa tubig asin espiritu (Juan 3:1-13)

• Kun paanong initaas an halas sa kaawagan, kaipuhan man na iitaas an Aki nin tawo (Juan 3:14, 15)

• Isinugo nin Diyos an saiyang bugtong na Aki, bako tanganing hukuman an kinaban, kundi tanganing iligtas iyan (Juan 3:16-21)

• An huring patotoo ni Juan manungod ki Jesus (Juan 3:22-30)

• An nagtutubod sa Aki, an saro na gikan sa itaas, magkakamit nin buhay na daing katapusan (Juan 3:31-36)

• Iprineso si Juan (Marcos 6:17-20; Mateo 4:12; 14:3-5; Lucas 3:19, 20)

• Nag-abot si Jesus, na pagal-pagal sa pagbaklay, sa bubon ni Jacob sa Sicar sa Samaria (Juan 4:1-6)

• Nakipag-ulay si Jesus sa sarong Samaritana (Juan 4:7-15)

• Tinukduan ni Jesus an Samaritana manungod sa tunay na pagsamba (Juan 4:16-24)

• Sinabi ni Jesus sa Samaritana na siya an Mesiyas (Juan 4:25, 26)

• Nagpatotoo sa iba an Samaritana (Juan 4:27-30)

• Ikinumparar ni Jesus sa pagkakan an paggibo kan kabutan nin Diyos; sinambit niya an manungod sa espirituwal na pag-ani (Juan 4:31-38)

• Dakul na Samaritano an nagtubod ki Jesus na siya “an paraligtas kan kinaban” (Juan 4:39-42)

• Nagpuon si Jesus na maghulit sa Galilea (Juan 4:43-45; Marcos 1:14, 15; Mateo 4:17; Lucas 4:14, 15)

• Pinaumayan ni Jesus an aki kan sarong opisyal mantang nasa Cana sa Galilea (Juan 4:46-54)

• Dai pinaniwalaan si Jesus sa Nazaret (Lucas 4:16-30)

• Nagpasiring si Jesus sa Capernaum (Mateo 4:13-16)

• Milagrosong nakadakop nin dakulon na sira; inagda ni Jesus na umiba saiya an inot na mga disipulo (Lucas 5:1-11; Mateo 4:18-22; Marcos 1:16-20)