ƐZUKOALƐDEƐ 26
Duzu Ati A Ninyɛndane Nee Amaneɛnwunlɛ Kɔ Zo A?
Saa esiane bie si a menli biza kɛ: “kɛmɔti ɛ?” Nea kɛzi ɔyɛ yɛ fɛ kɛ Baebolo ne fa kpuya ɛhye anwo mualɛ mɔɔ tɔ ɛnzolɛ nu la maa a!
1. Kɛzi Seetan maanle ninyɛndane bɔle ɔ bo wɔ ewiade ɛ?
Seetan Abɔnsam dele Nyamenle anwo atua. Ɛnee Seetan kpondɛ kɛ ɔdi awie mɔ anwo zo tumi, ɔti ɔmaanle Adam nee Yive, menli nwiɔ ne mɔɔ limoa la rabokale ye atuadelɛ ne anwo. Seetan yɛle ɛhye ɔlua adalɛ mɔɔ ɔbɔle ɔhilele Yive la azo. (Gyɛnɛsese 3:1-5) Ɔmaanle ɔnyianle adwenle kɛ Gyihova ɛlɛfa debie kpalɛ bie avea ye. Ɛnee ɔlɛkile kɛ saa alesama andie Nyamenle a bɛ nye balie kpalɛ. Seetan bɔle adalɛ mɔɔ limoa la wɔ mekɛ mɔɔ ɔhanle ɔhilele Yive kɛ ɔnrɛwu la. Ɔti Baebolo ne fɛlɛ Seetan “adalɛ nee adalɛ kɔsɔɔti bɛ ze.”—Dwɔn 8:44.
2. Duzu a Adam nee Yive zile kpɔkɛ kɛ bɛbayɛ a?
Gyihova maanle Adam nee Yive ninyɛne dɔɔnwo. Ɔhanle kɛ bɛbahola bɛali baka biala mɔɔ wɔ Yidɛn tola ne anu la ma ne bie kyesɛ kokye ala. (Gyɛnɛsese 2:15-17) Noko bɛzile kpɔkɛ kɛ bɛbali zɔhane baka ma ne bie. Yive ‘dele bie na ɔlile.’ Nzinlii, Adam noko ‘lile bie.’ (Gyɛnɛsese 3:6) Bɛandie Nyamenle. Kɛmɔ ɛnee Adam nee Yive di munli la ati, ɛnee bɛkola bɛyɛ mɔɔ le kpalɛ la. Noko kɛmɔ bɛ nye fuu bɛandie Nyamenle la ati, bɛyɛle ɛtane na bɛkpole ye tumililɛ ne. Kpɔkɛ zɔhane mɔɔ bɛzile la maanle bɛnwunle amaneɛ kpole.—Gyɛnɛsese 3:16-19.
3. Kɛzi Adam nee Yive kpɔkɛzilɛ ne ɛha yɛ ɛ?
Mekɛ mɔɔ Adam nee Yive yɛle ɛtane la, bɛdɔle sinli na bɛvale sinlidɔlɛ bɛwole bɛ bo zo amra kɔsɔɔti. Baebolo ne ka Adam anwo edwɛkɛ kɛ: “Kɛ mɔɔ ɔlua sonla ko anwo zo ɛtane rale ewiade na ewule luale ɛtane nwo zo rale la, yɛɛ ewule dɛlɛle hanle menli kɔsɔɔti a.”—Wulomuma 5:12.
Ninyɛne bie mɔ a maa yɛnwu amaneɛ a. Ɔyɛ a kpɔkɛ ɛtane mɔɔ yɛsi la maa yɛnwu amaneɛ. Ɔyɛ a kpɔkɛ ɛtane mɔɔ awie mɔ si la maa yɛnwu amaneɛ. Ɔyɛ noko a esiane to yɛ ɔmaa yɛnwu amaneɛ.—Kenga Nolobɔvo 9:11.
SUKOA DƆƆNWO
Sukoa deɛmɔti Nyamenle ɛnli ninyɛndane nee amaneɛnwunlɛ mɔɔ ɛlɛkɔ zo wɔ ewiade ye anu la anwo ɛzonle nee kɛzi ɔte nganeɛ wɔ mekɛ mɔɔ yɛlɛnwu amaneɛ la.
4. Ahenle mɔɔ maa yɛnwu amaneɛ la
Menli dɔɔnwo die di kɛ Nyamenle a nea ewiade ye amuala azo a. Asoo ɔle nɔhalɛ? Ye VIDIO ne.
Kenga Gyemise 1:13 yɛɛ 1 Dwɔn 5:19, na akee bɛzuzu kpuya ɛhye anwo:
-
Asoo Nyamenle a maa ninyɛndane nee amaneɛnwunlɛ kɔ zo a?
5. Nea mɔɔ Seetan tumililɛ ɛva ɛra la
Kenga Gyɛnɛsese 3:1-6, na akee bɛzuzu kpuya ɛhye mɔ anwo:
-
Adalɛ boni a Seetan bɔle a?—Nea ngyehyɛnu 4 nee 5.
-
Kɛzi Seetan hilele kɛ Gyihova ɛlɛfa debie kpalɛ avea alesama ɛ?
-
Ɛnea a ɛnee Seetan ɛlɛkile kɛ ɔwɔ kɛ alesama maa Gyihova di bɛ nwo zo tumi na bɛ nye alie ɔ?
Kenga Nolobɔvo 8:9, na akee bɛzuzu kpuya ɛhye anwo:
-
Kɛkala mɔɔ tɛ Gyihova a ɛlɛdi ewiade ye azo tumi la, boni a ɛlɛkɔ zo a?
-
A. Ɛnee Adam nee Yive mɔɔ di munli la de paladaese. Noko bɛdiele Seetan na bɛdele Gyihova anwo atua
-
B. Mɔɔ bɛdele atua la, ɛtane, amaneɛnwunlɛ nee ewule bule ewiade
-
D. Gyihova baye ɛtane, amaneɛnwunlɛ nee ewule avi ɛkɛ. Alesama bali munli bieko na badɛnla Paladaese
6. Gyihova dwenle yɛ amaneɛnwunlɛ nwo
Asoo Nyamenle ɛndwenle yɛ amaneɛnwunlɛ nwo? Nea mɔɔ Belemgbunli Devidi nee ɛzoanvolɛ Pita hɛlɛle la. Kenga Edwɛne 31:7 yɛɛ 1 Pita 5:7, na akee bɛzuzu kpuya ɛhye anwo:
-
Kɛkala mɔɔ wɔnwu kɛ Gyihova nwu yɛ amaneɛnwunlɛ na ɔdwenle nwo la kɛzi ɔmaa ɛte nganeɛ ɛ?
7. Nyamenle baye alesama amaneɛnwunlɛ kɔsɔɔti avi ɛkɛ
Kenga Ayezaya 65:17 yɛɛ Yekile 21:3, 4, na akee bɛzuzu kpuya ɛhye anwo:
-
Kɛmɔti a amaneɛnwunlɛ mɔɔ ninyɛndane ti yedo alesama mɔɔ wɔnwu kɛ Nyamenle baye avi ɛkɛ la kyekye ɛ rɛle ɛ?
Asoo ɛze?
Mekɛ mɔɔ Seetan bɔle adalɛ mɔɔ limoa la, ɔzɛkyele Gyihova duma. Ɔti ɔmaanle menli nyianle adwenle kɛ Gyihova ɛnle Tumivolɛ kpalɛ yɛɛ ɔnlɛ ɛlɔlɛ. Saa Gyihova ye alesama amaneɛnwunlɛ fi ɛkɛ ne kenle bie a, ɔbade ye duma nwo. Ɛhye kile kɛ ɔbamaa yeala ali kɛ ye tumililɛ ne a amgba le kpalɛ a. Gyihova duma ne mɔɔ ɔte nwolɛ la a le debie mɔɔ hyia kpalɛ wɔ aleɛabo amuala a.—Mateyu 6:9, 10.
BIE MƆ KA KƐ: “Nyamenle fa amaneɛnwunlɛ sɔ yɛ nea.”
-
Duzu a ɛbaha a?
EDWƐKƐ TITILI
Seetan Abɔnsam nee menli nwiɔ ne mɔɔ limoa la a di ninyɛndane mɔɔ kɔ zo wɔ ewiade ye anu la anwo ɛzonle titili a. Gyihova dwenle yɛ amaneɛnwunlɛ nwo kpalɛ, na ɔnrɛhyɛ ɔbaye yeavi ɛkɛ.
Ndinu
-
Adalɛ boni a Seetan Abɔnsam bɔle hilele Yive a?
-
Kɛzi Adam nee Yive atuadelɛ ne ɛha yɛ muala ɛ?
-
Kɛzi yɛkola yɛnwu kɛ Gyihova dwenle yɛ amaneɛnwunlɛ nwo ɛ?
KPONDƐ DƆƆNWO
Nea kɛzi Baebolo ne kile ɛtane bo la.
Kenga edwɛkɛ mɔɔ Seetan maanle ɔrale wɔ Yidɛn tola ne anu la anwo ninyɛne dɔɔnwo.
“Duzu Ati A Nyamenle Maa Amaneɛnwunlɛ Nwo Adenle A?” (Ɛzinzalɛ Arane, January 1, 2014)
Kpondɛ kpuya mɔɔ gyegye adwenle la anwo muala mɔɔ tɔ ɛnzolɛ nu la.
Nea mɔɔ nrenyia bie nwunle ye wɔ amaneɛnwunlɛ mɔɔ ɛlɛkɔ zo anwo la.
Bie A Eza Ɛ Nye Balie
KPUYA MƆƆ MENLI TA BIZA
Baebolo Ɛzukoalɛ Nwo Ngyehyɛleɛ Boni A Gyihova Alasevolɛ Yɛ A?
Wɔ Baebolo ɛzukoalɛ nwo ngyehyɛleɛ mɔɔ Gyihova Alasevolɛ ɛyɛ mɔɔ ɛndua ɛhwee la anu, ɛbahola wɔava Baebolo ngilebɛbo mɔɔ ɛ nye die nwo wɔali gyima. Saa ɛkulo kɛ ɛto ɛ sa ɛfɛlɛ wɔ abusua ne yɛɛ ɛ gɔnwo mɔ a, ɛbahola wɔayɛ zɔ.
