Beibele e Re’ng?
Go direga’ng ge re ehwa?
BATHO BA BANGWE BA DUMELA gore re tšwela pele re phela re le ka sebopego se sengwe, mola ba bangwe ba nagana gore ge o hwile ke gona ge go fedile. Wena o dumela’ng?
SEO BEIBELE E SE BOLELAGO
“Bahu ga ba tsebe selo le gatee.” (Mmoledi 9:5) Ge re ehwa, re kgaotša go ba gona.
SE SENGWE SEO RE ITHUTAGO SONA KA BEIBELENG
Motho wa pele e lego Adama, o ile a boela leroleng ge a ehwa. (Genesi 2:7; 3:19) Ka mo go swanago, batho ka moka bao ba hwago ba boela leroleng.—Mmoledi 3:19, 20.
Batho bao ba hwago ba hunollwa, goba ba lebalelwa dibe tša bona. (Baroma 6:7) Motho ga a sa otlelwa sebe ka morago ga ge a hwile.
Na bahu ba ka phela gape?
O BE O TLA ARABA BJANG?
Ee
Aowa
Mohlomongwe
SEO BEIBELE E SE BOLELAGO
“Go tla ba le tsogo.”—Ditiro 24:15, Phetolelo ya Lefase le Lefsa.
KE ENG SE SENGWE SEO RE KA ITHUTAGO SONA KA BEIBELENG?
Gantši Beibele e bapiša lehu le boroko. (Johane 11:11-14) Modimo a ka tsoša bahu go fo swana le ge re kgona go tsoša motho borokong.—Jobo 14:13-15.
Beibele e bega ka batho ba mmalwa bao ba ilego ba tsošwa, ka go re’alo e re nea motheo o tiilego wa go dumela gore bahu ba tla tsošwa.—1 Dikgoši 17:17-24; Luka 7:11-17; Johane 11:39-44.
You May Also Like
PHAFOGA!
Ke eng Seo Beibele e se Bolelago ka Lehu?
Go direga’ng ge re ehwa? Na go na le kholofelo ya gore re tla kopanywa gape le baratiwa ba rena bao ba hwilego? Ela hloko dikarabo tše di homotšago tša Beibele mabapi le lehu.
DIPOTŠIŠO TŠA BEIBELE DI A ARABJA
Tsogo ya Bahu ke Eng?
O ka makatšwa ke go tseba gore ke bomang bao ba tlago go tsošwa.
