Dipeakanyo tša go bula

Kgetha leleme

Eya go menyu wa bobedi

Eya go dikagare

Dihlatse tša Jehofa

Sepedi

Na Beibele e ka Nthuša ge ke Gateletšegile?

Na Beibele e ka Nthuša ge ke Gateletšegile?

Karabo ya Beibele

Ee, ka gobane thušo e kaonekaone e tšwa go “Modimo Yo a homotšago, a kgothatšago, a lapološago le go thabiša bao ba gateletšegilego.”—2 Bakorinthe 7:6, The Amplified Bible.

Seo Modimo a se neago bao ba gateletšegilego

  • Matla. Modimo ga a go ‘lapološe le go go thabiša’ ka go tloša mathata a gago ka moka, eupša o dira seo ka go araba dithapelo tša gago ge o rapelela matla a go lebeletšana le maemo a gago. (Bafilipi 4:13) O ka kgodišega gore o ikemišeditše go go theetša, ka gobane Beibele e re: “Jehofa o kgauswi le ba dipelo tše di robegilego; o phološa ba meoya e nyamilego o šoro.” (Psalme 34:18) Ge e le gabotse, Modimo o kgona go go kwa ge o kgopela thušo le ge o sa kgone go mo hlalosetša maikwelo a gago.—Baroma 8:26, 27.

  • Mehlala e mebotse. Mongwadi yo mongwe wa Beibele o rapetše Modimo ka gore: “Ke go biditše ke le bodibeng bja tlalelo.” Mopsalme yo o ile a lebeletšana le kgateletšego ya gagwe ka go gopola gore Modimo o ikemišeditše go re lebalela dibe tša rena. Go e na le moo, o ile a botša Modimo a re: “Ge e ba o be o latišiša melato, wena Jah, wena Jehofa, go be go tla ema mang? Gobane o lebalela e le ka kgonthe, e le gore o boifše.”—Psalme 130:1, 3, 4.

  • Kholofelo. Ntle le go ba homotša gona bjale, Modimo o holofeditše go tloša mathata ka moka ao a bakago kgateletšego. Ge a phethagaditše kholofetšo yeo, “dilo tša pele [go akaretša le kgateletšego] di ka se sa gopolwa, e bile di ka se sa rotoga pelong.”—Jesaya 65:17.

Tlhokomedišo: Gaešita le ge rena Dihlatse tša Jehofa re tšeela godimo thušo yeo Modimo a e neago, e bile re nyaka thušo ya dingaka malwetšing a bjalo ka kgateletšego ya monagano. (Mareka 2:17) Lega go le bjalo, ga re kgothaletše mohuta o itšego wa kalafo; eupša re nagana gore motho yo mongwe le yo mongwe o swanetše go itirela phetho ditabeng tša mohuta wo.

 

Ithute ka mo go oketšegilego

Ke Phelela Eng?

Ke’ng seo se ka dirago gore motho a lebelele lehu e le mogwera?