Omanyolo ngoka ga pambathana mOmbiimbeli yo-New World Translation of the Holy Scriptures, otaga ulike kutya Ombiimbeli otayi tsu kumwe moku ku ulukila omusholondondo gwomanyolo gamwe ngoka taga popi kombinga yoshinima sha faathana. Opo wu mone omusholondondo gomanyolo ngoka ga pambathana, thinda pondanda onshona ndjoka ya landula oshitya. Ngele oto longitha Ombiimbeli ndjoka ya pilintwa, konga ondanda ndjoka onshona pokati kepandja, opo wu mone omanyolo ngoka taga popi kombinga yoshinima sha faathana. Kepandja lyetu jw.org nenge mOpolohalama JW Library, thinda pondanda, opo wu mone enyolo ndyoka lya etwa po.

Omanyolo ngoka ga pambathana otashi vulika ge ku fale kiinima tayi landula nenge yilwe oyindji:

Ehokololo lya pambathana: Enyolo ndyoka lya pambathana nenyolo ndyoka to lesha, otali ku fala kehokololo lyoshiningwanima sha faathana memboMbiimbeli lilwe. Pashiholelwa, tala Samuel omutiyali 24:1 nosho wo Ondjalulo yotango 21:1.

Okutotha: Enyolo lya pambathana otali ulike mpoka uutumbulilo wontumba wa za. Pashiholelwa, tala Mateus 4:4 nosho wo Deuteronomium 8:3.

Ehunganeko lya gwanithwa: Omanyolo ga pambathana otaga kwatakanitha ehunganeko negwanitho lyalyo. Pashiholelwa, tala Mateus 21:5 nosho wo Sakaria 9:9.