CIPUTULWA 1

Ukutandika Umu Manda ya Vikolwe Ivyaliko Mpiti Ukwizafika pa Nsita Yako ya Kapingula

Umu ciputulwa cii, tumasambilila pa yantu aali nu utailo nupya aali asipe, ukutandikila pali Inoki ukufika pali kasesema Samweli.

Ciputulwa 1 Ivyacitike

Cati ikulangilila imyaka ino antu alembwa muli Baibo iikazile alino ni vyacitikanga ivyalembwa muli Baibo.

1 INOKI

Wapitanga na Leza

Inoki wapusiineko na antu aliko pa nsita iya umu nzila zili. Wakwanishe uli vivyo? I vyani vino tungasambililako kuli vino wali umusipe?

2 NOWA

Walangilile Ukuti Insi Yalinzile Ukononwa

Uzye ivikacitika umu manda itu vyakolana uli ni vyacitikanga umu manda yakwe Nowa? Lolini vino mungakolanya vino Nowa wali umusipe.

3 SALA

Wakanyile Ukuswilila

U mu nzila ci muno Sala walangilile ukuti wali nu utailo nupya umusipe?

4 ABULAHAMU

Umuntu wa Kutandikilapo Ukulwilako Yeova

I vyani vino tungasambililako kuli vino Abulahamu waitemilwe ukupususha Loti umwipwa wakwe? I vyani vino Yeova wacisile pali vino Abulahamu walangilile ukuti wali umusipe nupya wali nu utailo?

5 ABULAHAMU

Waipeelishe Ukucita Icintu Icali Citale Sana

Uzye tungakolanya uli vino Abulahamu wali umusipe pakuti twauvwila Leza? Uzye ilyasi lii likatusambilizya uli pa kutemwa kwakwe Yeova?

6 LABEKA

Waitemiilwe Ukusha ya Lupwa Lwakwe nu Kukukila Uku Mpanga Yuze

Labeka wali umwanaci uwali umusipe sana nupya wakweti utailo. I vyani vino tungasambilila kuli Labeka?

7 YAKOBO

Walangilile Ukuti Wali Umusipe Lino Wacingililanga Ulupwa Lwakwe

Uzye ivyacitikile Yakobo vingalenga musininkizye uli ukuti mapaalo yakwe Yeova yacindama sana ukucila intazi zino mungakwata?

8 JOZEFU

Wacimvizye Uwezyo

Lolini vino ivyacitikiile Jozefu vingamwazwa ukucimvya amezyo nu kuzizimizya intazi.

9 SYIFULA, PUWA, AMULAMU, YOKEBEDI, NA MILYAMU

Utailo U Walenzile Ukuti Yafise Mose

Ya nacimbuza, avyazi yakwe Mose, alino na kaci wakwe yalangizye ukuti yali nu utailo nupya yasifile. Uzye naswe tungacita uli vivyo?

10 MOSE

Wapingwilepo Ningo

I vyani vino Mose wapingwilepo ukucita nupya u mulandu ci? I vyani vino tungasambililako kuli vino wacisile?

11 MOSE

“Yanga kuli Falao”

Uzye ivyacitikile Mose vingatwazwa uli ukutaila Yeova ukuti alatwazwa ukuomba umulimo wakwe nanti cakuti tukuyuvwa ukuti tutafisilepo ukuomba?

12 KALEBU

Watwalilile Ukuya Uwa Cisinka Kuli Leza Wakwe

Lolini vino Kalebu wacisile vingamwazwa ukukanakonkelela “antu mu kucita iviipe.”

13 YOSWA

Wacisile Ivyalolekanga Kwati Vitanga Viombe

I vyani vino Yeova wanenyile Yoswa ukucita ivyalolekanga kwati vitanga viombe? A muli vyani muno tungakolanya vino Yoswa wacisile?

14 LAHABU

Wasoolwilepo Ukuya Uku Lusansa Lwakwe Yeova

I vyani vino tungasambililako kuli vino Lahabu wacisile? Uzye wapaazilwe uli pa utailo wakwe na pali vino wali umusipe?

15 NAOMI NA LUTI

Yazwananga Umu Nsita Izitale

U mu nzila ci muno Naomi na Luti yalangilile ukuti yali asipe? I vyani vino tungasambilila kuli vino yacisile?

16 BARAKI NA DEBOLA

“Ndapita Naawe”

Baraki walondeshanga ukuya na Debola uku ulwi. Uzye cii calangililanga ukuti wali ni intete nanti wali nu utailo?

17 YAELE

“Uwapaalwa Sana pa Yanaci Yonsi”

Tucili tukasambililako kuli vino Yaele wasifile nu kukoma umulwani wakwe Yeova. U mulandu ci uno ndakai tukalondekelwa ukuya asipe wakwe Yaele?

18 GIDYONI

Vino Wasifile na Vino Wali Umucenjele

A muli vyani muno tungakolanya vino Gidyoni wali umusipe nupya umucenjele?

19 YEFUTA NU MWANAKWE UMUKAZYANA

Yafikilizye Umulapo Uno Yalavile Uwali Utale

Uzye vino Yefuta nu mwanakwe umukazyana yacisile vingatwazwa uli ndakai?

20 SAMUSONI

Wasifile Lino Ivintu Vyatazile

I vyani vino tungasambililako kuli vino Samusoni wacisile pa cisila ca kuluvyanya?

21 SAMWELI

Umulumendo Uwasifile nu Kulanda Amazwi Aafumile Kuli Yeova

A lilaci lino acance na aikolo yangalondekwa ukusipa nu kucita icisuma?

CIPUTULWA 2

Ukufuma Umu Manda ya Ene Ukufika Lino Yakuzile Yelusalemu Cipya Cipya

Ciputulwa cii cimalanda pa yantu aaliko mpiti akweti utailo nupya aali asipe, ukutandikila pali Yonatani, umwana wakwe Saulo, pa Mwene Devedi, alino na pa cisila pa yantu yakwe Leza afumile umu uzya mu Babiloni nu kuya umu kukuula cipya cipya Yelusalemu.

Ciputulwa 2 Ivyacitike

Cati ikulangilila imyaka ino antu alembwa muli Baibo alino ni vyacitikanga ivyalembwa muli Baibo ukufuma umu manda ya ene ukufika lino Yelusalemu wakuuzilwe cipya cipya.

22 YONATANI

Walondekwanga Ukusipa Pakuti Aye ni Cisinka

Yonatani wakweti intazi iyezizye ucisinka wakwe. I cani icamwazwile ukumanya wino afwile ukuyako ni cisinka? Tungamukolanya uli?

23 DEVEDI

Walwisizye Ipombolo

Devedi wamanyikwe ukuti “wasipa nupya u musilika uwa maka.” Uzye vino wacisile vyakomelizye uli yauze? Uzye ukusipa kwinu kungavwa uli yauze?

24 ABIGEO

Walolenkine na Aonsi Yaili Asosile Sana

I vyani vino ya iya na aci yangasambililako ukwi lyasi ilikalanda pali Abigeo?

25 DEVEDI

Wasifile Pakuti Acite Icilungame

Devedi wakweti ishuko ilya kulandula. I vyani ivyalenzile atalandula? Tungamukolanya uli?

26 NATANI

Walungike Umwene

Uzye vino Natani wacisile vingatwazwa uli ukwazwa cuza witu uwatacita uluyembu ulwipishe?

27 MEFIBOSHETI

Atatwalilile Ukuya Umusoke lino Yauze Yamufyenzile

I vyani vino tungasambililako kuli Mefibosheti ivingatuteekezya?

28 ASA

Waombiile Yeova Umu “Umi Wakwe Onsi”

I vyani vino tungasambililako uku monsi uwatwalilile ukuombela Yeova nu mwenzo wakwe onsi?

29 ELIYA

“Yeova Leza wane”

I vyani ivyazwile Eliya ukuta ukuya ni ntete?

30 MUKAMFWILWA WA KU ZALEFATI

Wataile Yeova Lino Ivintu Vyatazile

Uzye ivyacitikile mukamfwilwa vingatwazwa uli ukutaila Yeova?

31 KAKAZYANA KA MU IZLAELI

Kasifile nu Kulanda Pali Leza

Vino kakazyana kacisile vingamukomelezya ukusimikila asi mulandu mukuvwa intete.

32 ELISHA

“We Yeova Muyule Amanso”

A lilaci lino tungakomeleziwa ukumanya ukuti ya malaika yataya ukutali naswe nupya lyonsi yakaitemelwa ukutwazwa?

33 YEOYADA

Wacingilile Umwene Wino Yeova Wasoolwile

I vyani vino Yeoyada wacisile ivyalondekwanga ukuti aye umusipe? U mu nzila ci muno mungakolanyizizyamo vino Yeoyada wali umusipe?

34 HEZEKIYA

“Wali Uwa Cisinka Kuli Yeova”

Hezekiya wasifile sana nupya wali nu utailo. Tungamukolanya uli ndakai?

35 MANASE

Wasifile nu Kulapila

U mulandu ci uno tungalandila ukuti Manase wali umwene umusipe wino tungakolanya?

36 YOSIYA

Wazwile Antu Ukuswilila Kuli Yeova

Nanti cakuti wazizimizye intazi lino wali umwance, Yosiya walangilile ukuti wali umusipe nupya watungilile ukupepa kwa cumi. U mu nzila ci muno tungamukolanyizizyamo?

37 DANIELI

“Atalondanga Ukuikowezya”

U mu nzila ci muno acance yangakolanyizizyamo vino Danieli wali umusipe na vino wali na ucisinka? I vyani vino swensi tungasambililako kuli vino wacisile?

38 AEBELE YATATU

“Yazimizye Umoto Uwipishe”

Aebele yatatu yali asipe, kumwi sile na lino yali umupiipi nu kufwa. Uzye vino yacisile vikatusambilizya vyani pa kuya aicefye, afuuke alino na ucisinka?

39 ESITA

‘Nga Ndafwa, Ale Avivyo Kwene’

Esita wali na mano alino ni cuvwila. Walenzile nu kuti iya aatali kapepa auvwile vino wamunenyile. I vyani vino tungasambililako kuli vino wacisile?

40 NEHEMIYA

Wakuuzile Iciumba Cipya Cipya

Uzye vino Nehemiya wacisile vikatusambilizya vyani pa kuombela Yeova nu mwenzo onsi? Uzye ya eluda yangamukolanya uli?

CIPUTULWA 3

Umu Manda Yakwe Mesiya Alino na Alondezi Yakwe

Iciputulwa cii cimalanda pa aonsi na anaci aali nu utailo nupya aali asipe aaliko umu manda ya Ina Klistu aakutandikilapo, ukwikako sile na Maliya nacisungu Umuyuda alino nu mutumwa Yoani.

Ciputulwa 3 Ivyacitike

Cikope icikulangilila imyaka ino antu alumbulwa muli Baibo iikazile atiyalumbulwa umu Ciputulwa 3. Nupya cikulangilila vimwi ivyacitike ukutandika umu manda yakwe Mesiya ukwizafika umu manda ya mutumwa Yoani.

41 ZEKALIYA NA ELIZABETI

“Yacitanga Ivisuma Kuli Leza”

U mulandu ci uno Yeova walolelanga Zekaliya na Elizabeti ukuti yali alungami? Tungayakolanya uli?

42 MALIYA

Wasifile nu Kuzumila Umulimo Uno Yamupeezile

Maliya yamupeezile umuli uiyele nupya ukome. I vyani ivyalenzile asipe nu kuomba umulimo uno yamupeezile?

43 JOZEFU

Wasakamalanga Ningo Ulupwa Lwakwe

Uzye ya isi Aina Klistu ndakai yangakolanya uli Jozefu?

44 YOANI KABATIZYA

‘Kutaya Umukalamba Ukumucila’

Yoani wasifile nupya wangupizye umi. Lolini vino tungasambililako kuli aliwe.

45 PETULO

“Nene Muyembu”

I vyani vino tukusambililako kuli Petulo pa kutwalilila ukuombela Yeova asi mulandu na vino tukaluvyanya?

46 MALIYA UWA KU MAGADALA

“Indola Umwene!”

Maliya waipeelishe ukwazwa Yesu alino na asambi yakwe. Uzye tungakolanya uli vino wali ni cikuuku na vino wasifile?

47 MALIYA, KACI WAKWE LAZALO

‘Wacisile Cino Angakwanisya Ukucita’

Yesu wataizye Maliya kaci wakwe Lazalo pali vino wali nu utailo na vino wali umusipe. U mu nzila ci muno walangilile ukuti wali umusipe? Tungamukolanya uli ndakai?

48 SITIVINI

“Umonsi Uwali Sana nu Utailo nu Mupasi wa Muzilo”

Sitivini wizile akwata intazi. Wacisile uli pakuti alande vino wazumilemo? Tungakolanya uli vino Sitivini wasifile na vino watwalilile ukuya nu utailo?

49 PETULO

Wizile Aya Umusipe

Uzye vino Petulo wacisile vingatwazwa uli ukutaila Yeova nu kukanaya ni ntete?

50 SAULO UWA KU TASI

Wasenwike

I vyani ivyalenzile umuntu uwacuzyanga Aina Klistu ukusenuka? I vyani vino tungasambililako kuli aliwe?

51 BANABA

“Aakakomelezya Auze”

Banaba wasifile nu kwazwa Saulo alino nu kumutwala uku yatumwa. Tungakolanya uli vino wasifile na vino waitemiilwe ukwazwa yauze?

52 MAKO

‘Akangazwa Umu Mulimo Wakwe Leza’

Asi mulandu ni ntazi zino Mako wakweti, watwalille ukuya umusipe nu kwazwa Aina Klistu yauze. I vyani vino tungasambilila kuli aliwe?

53 PAULO

“Nkumukomelezya Ukuti Musipe”

Uzye umutumwa Paulo walangilile uli ukuti wali umusipe lino wene na yano wali nayo yatakweti upaalilo uwa kuti yamapusuka? Uzye vino wali umusipe vyazwile uli yauze?

54 MUTUMWA YOANI

Wasifile Lino Ivintu Vyatazile

Umutumwa Yoani wasifile nupya atatazile aye ni ntete. Tungakolanya uli vino wasifile pakuti tutwalilile ukuya asipe lino tukuombela Leza?

IVYEO VYA KUSHALIKIZYAKO

Mwaya Asipe

Muli Baibo mwaya malyasi ya onsi na anaci, ance na aikolo aali asipe nupya atwalilile ukuombela Yeova na ucisinka. Malyasi yao yangatukomelezya ukuya asipe.

Inkupo ya Mukasi