Yobo 37:1-24
37 “Bua bualu ebu, muoyo wanyi udi ututa lubilu,Usopoka umbuka muaba wawu.
2 Teleja mukungulu wa dîyi diende bimpeNe dikubakuba didi difumina mukana muende.
3 Yeye udi uwulekelela muinshi mua diulu dijima,Ne utuma mupenyi wende+ too ne ku ntengu ya buloba.
4 Panyima pawu, kudi tshiona tshia mukungulu;Yeye udi ukungula ne dîyi dia butumbi,+Ne kena uwukanda padi dîyi diende diumvuika.
5 Nzambi udi ukungula ne dîyi diende+ mu mushindu wa dikema;Udi wenza malu manene atudi katuyi mua kujingulula.+
6 Bualu yeye udi wambila neje ne: ‘Mata pa buloba,’+
Ne wambila mvula mukole ne: ‘Itshikila bikole menemene.’+
7 Nzambi udi wimanyika mudimu wonso wa bantu,*Bua muntu yonso ufuafua alue kumanya mudimu Wende.
8 Nyama ya tshisuku idi ibuela mu mena ayi,Ishala mu miaba yayi ya kusokomena.
9 Tshipepele tshikole tshidi tshituta tshifumina mu nzubu watshi wa munda+Ne mashika adi afumina kudi mpepele ya ku nord.+
10 Dibue dia mashika didi dienzeka ku mupuya wa Nzambi,+Ne mâyi malabale adi akuatakana alua dibue.+
11 Eyowa, yeye udi unemesha matutu bujitu ne tshitalele;Udi utangalaja mupenyi wende+ mu matutu;
12 Adi anyungulukangana aya kudiye ualudika;Adi akumbaja tshionso tshidiye uatumina dîyi bua kuenza+ pa mutu pa buloba budi bantu basombele.*
13 Nansha bikalabi bua dinyoka,*+ anyi bua bualu bua buloba,Peshi bua dinanga dia lulamatu, yeye udi wenza bua bualu ebu buenzeke.+
14 Yobo, teleja bualu ebu;Imana ne elangana meji a midimu ya kukema ya Nzambi bimpe.+
15 Udi mumanye mudi Nzambi ulombola matutu*Ne mutuye wenza bua mupenyi wele upatuka mu ditutu diende anyi?
16 Udi mumanye mutu matutu alembelela muulu anyi?+
Eyi mmidimu ya kukema ya Yeye udi mupuangane mu dimanya.+
17 Bua tshinyi bilamba biebe mbikuate luyaPadi buloba kabuyi bunyunga bua lupepele lua ku sud?+
18 Wewe udi mua kubalula* nende diulu+Didi dikole bu lumuenu lua tshiamu anyi?
19 Utuambile tshitudi ne bua kumuambila;Katuena mua kuandamuna to, bualu tudi mu mîdima.
20 Badi ne bua kumuambila ne: ndi musue kuakula anyi?
Peshi muntu mmuambe bualu budibu ne bua kumumanyisha anyi?+
21 Kabena mene mua kumona butoke,*Nansha mudi muulu mutoke,Too ne padi lupepele lupita ne lupepula matutu.
22 Bukenke bu bua or budi bupatukila ku nord;Butumbi bua Nzambi+ budi bukuatshisha buôwa.
23 Katuena mua kufika ku dijingulula Wa Bukole Buonso to;+Udi ne bukole bua bungi,+Ne katu unyanga kulumbuluisha kuende kuakane+ ne buakane buende bupite bungi nansha.+
24 Nunku, bantu badi ne bua kumutshina.+
Bualu yeye kena wanyisha bonso badi bela meji ne: mbena meji.”*+
