Yobo 30:1-31
30 “Mpindieu badi banseka,+Bantu badi bana kundi,Bena batatuabu bamvua mua kubengelaBua kubateka pamue ne mbua ivua ilama bimuna bianyi.
2 Bukole bua bianza biabu buvua ne dikuatshisha kayi kundi?
Makanda abu mmabutuke.
3 Bobu mbazengeja kudi dikenguluka ne kudi nzala;Badi bakunya buloba bumeBukavua bunyanguke ne bubutuke.
4 Badi baaka bisonsa bia mukele mu bisuku;Biakudia biabu bidi muji wa mitshi ya jenete.
5 Badi babipata munkatshi mua bantu;+Bantu badi babela mbila bu mudibu bela muivi.
6 Mbasombele pa mpulumuku ya bipongopongo,*Mu masoso a mu buloba ne mu mabue manene.
7 Badi belela mbila mu bisukuBadikunguija munkatshi mua mpesa.
8 Bu bana ba bantu batatakane ne bantu badi kabayi ne mêna,Bakabipata* mu ditunga.
9 Kadi mpindieu badi banseka too ne mu misambu yabu;+Ndi mulue kudibu tshintu tshia kupepejabu.*+
10 Mbankine ne badi bangepukila ku bule;+Kabena belakana bua kuntuila mata mu mpala.+
11 Bualu Nzambi mmunnyenge bia mvita* ne mmumpuekeshe milongo,Badi bumbusha kudikanda kuonso* kumpala kuanyi.
12 Ku dia balume dianyi badi bajuka bu tshisumbu tshia bantu babi;Badi bangela lubiluNe badi bateka bintu bia kabutu mu njila wanyi.
13 Badi bashipa njila yanyiNe bavuija dikenga dianyi dibi menemene,+Kakuyi muntu udi mua kubakanda.*
14 Badi balua bu badi bapatukila mu disoso dinene mu tshimanu;Badi baya kumpala mu muaba mubutula.
15 Buôwa bukole budi bunkuata;Bunême buanyi mbuipata bu lupepele,Ne lupandu luanyi ludi lujimina bu ditutu.
16 Mpindieu muoyo* wanyi udi wenda uteketa munda muanyi;+Matuku a dikenga+ mmankuate.
17 Kusama kudi kutubula mifuba yanyi* butuku;+Bidi bisama binkunya kabiena bilekela.+
18 Bua bukole bua bungi, tshilamba tshianyi ntshishintuluke;*Budi bumfiekela anu bu nshingu wa tshilamba tshianyi.
19 Nzambi mmungele mu bitotshi;Mbanshiye anu lupuishi ne butu.
20 Ndi nkudidila ndomba diambuluisha, kadi kuena ungandamuna;+Ndi ngimana kuulu, kadi udi anu muntangile tshianana.
21 Udi munkudimukile ne tshikisu tshionso;+Udi unduisha ne dikanda dionso dia tshianza tshiebe.
22 Udi ungambula, uya nanyi mu lupepele;Pashishe udi unkupakaja mu mvula mukole wa tshipupu.*
23 Bualu ndi mumanye ne: neumpuekeshe mu lufu,Ku nzubu waya kutuilangana bonso badi ne muoyo.
24 Kadi muntu nansha umue kena mua kututa muntu mutshibuke*+Padiye udila ulomba diambuluisha mu tshikondo tshiende tshia dikenga nansha.
25 Tshivuaku mudile bua bantu badi bikondo bikole bitulukile anyi?*
Tshivuaku* munyingalale bua mupele anyi?+
26 Nansha mumvua mutekemene malu mimpe, malu mabi akalua;Mvua muindile butoke, kadi mîdima yakalua.
27 Munda muvua mumvuanduluka kamuvua mulekele to;Matuku a dikenga avua mantue mutu.
28 Ndi ngendakana mubungame;+ kakuena munya to.
Mu disangisha dia bantu, ndi njuka ne ndila ndomba diambuluisha.
29 Ndi mulue muanabu ne mibuabuaNe mulunda wa bana ba bakaji ba nyunyi ya mfiondo.+
30 Dikoba dianyi ndilue difiike ne ndipuluke;+Mifuba yanyi idi yoshika ne luya lukole.*
31 Lunzenze luanyi lukadi lua kuimba anu bua madilu,Ne lushiba luanyi anu bua lubila lua muadi.
Mamanyisha
^ Anyi “tusulu tua tshilonda nkoka.”
^ Ku mua.: “Bakabakengesha bikole.”
^ Ku mua.: “lusumuinu; kasumu.”
^ Ku mua.: “mmutekeshe mulemu wa buta buanyi.”
^ Anyi “Badi basulula muonji wa kukanda nawu.”
^ Anyi pamuapa: “Kakuyi udi ubambuluisha.”
^ Anyi “anyima.”
^ Ku mua.: “Mifuba yanyi mmitubulula.”
^ Anyi pamuapa: “Bukole bua dikenga dianyi budi bunshintulula tshimuenekelu.”
^ Anyi pamuapa: “umvingutula ne mukumu.”
^ Ku mua.: “mushiki wa bintu bibumbula.”
^ Anyi “badi batuilangane ne dituku dibi anyi?”
^ Anyi “Anyima wanyi kavuaku.”
^ Anyi pamuapa: “mubidi kapia.”
