Ezekyele 2:1-10

  • Ezekyele wapebwa mwingilo wa bu mupolofeto (1-10)

    • ‘Bevwane nansha kebevwenepo’ (5)

    • Abamulombola muvungo wa ñimbo ya bulanda (9, 10)

2  Penepo waunena’mba: “Mwanā muntu,* imana na maulu obe nesambe nobe.”+ 2  Paadi wisamba nami, mushipiditu watwela mondi, wañimika mu maulu+ ami amba ngivwane Yewa wisamba nami. 3  Waunena monka amba: “Mwanā muntu, nakutume ku bantu ba Isalela,+ ku mizo mitomboke yantombokela.+ Abo ne bakulutuba babo abanjilwila kufika ne dyalelo dino’di.+ 4  Nakutume ku bana ba kipuni* kadi ba mityima myūmu,+ ukebanena’mba, ‘Bino’bi byo byanena Mfumu Mwinē Lupusa Lonso Yehova.’ 5  Ino abo, ekale bevwane nansha bapele kwivwana—mwanda abo i njibo mitomboke+—bakayuka bine amba mupolofeto wadi mu bukata mwabo.+ 6  Ino abe, mwanā muntu, kokebatyina,+ kadi kokatyina binenwa byabo, nansha bikujokolokele tumityi twa miba ne miba*+ kadi ushikete mu bukata mwa tuminye. Kokatyina binenwa byabo+ kadi mapala+ abo keakakutuyula, mwanda abo i njibo mitomboke. 7  Ukebasapwila binenwa byami, ekale bevwane nansha baleke kwivwana, mwanda i bantomboki.+ 8  “Ino abe, mwanā muntu, ivwana byonkusapwila. Kokikala ntomboki pamo bwa ino njibo mitomboke. Asama kyakanwa kyobe, udye kyokya kyonsa kukupa.”+ 9  Ami amba ntale, namona kuboko kungolokele,+ kadi namona’mo muvungo mulembe.*+ 10  Aye pa kuvungulula’o ku meso ami, wadi mulembwe momu ne momu.+ Mwadi mulembwe ñimbo ya bulanda* ne madilo ne kuyoyokota miyoa.+

Kunshi kwa Dyani

^ “Mwanā muntu”; uno i musunsa mubajinji mu misunsa 93 itelelwe kino kishima mu Ezekyele.
^ Nansha’mba “ba mpala myūmu.”
^ Bibwanika padi i, “nansha bantu byobadi ba nshingo myūmu, kadi badi bwa bintu bikutunga.”
^ Nansha’mba “muvungo wa mukanda.”
^ Nansha’mba “ñimbo ya madilo.”

Kudi byepelo bya balembi pa kino kintu