Ezekyele 48:1-35
48 “Ano’a o majina a bisaka, kushilwila ku mukalo wa kungala: Kipindi kya Dani+ kyendanga dya ku dishinda dya Hetelone kutūla ku Lebo-Hamata*+ ne ku Hazala-Enana, ku mukalo wa Damakasa dya kungala kubwipi na Hamata;+ kadi kyenda tamba kutunduka kutūla ku mukalañano wa kushika.
2 Kipindi kya Ashela+ kidi ku mukalo wa Dani, tamba ku mukalañano wa kutunduka kutūla ku mukalañano wa kushika.
3 Kipindi kya Nafatale+ kidi ku mukalo wa Ashela, tamba ku mukalañano wa kutunduka kutūla ku mukalañano wa kushika.
4 Kipindi kya Manase+ kidi ku mukalo wa Nafatale, tamba ku mukalañano wa kutunduka kutūla ku mukalañano wa kushika.
5 Kipindi kya Efelaimi kidi ku mukalo wa Manase,+ tamba ku mukalañano wa kutunduka kutūla ku mukalañano wa kushika.
6 Kipindi kya Lubeni kidi ku mukalo wa Efelaimi,+ tamba ku mukalañano wa kutunduka kutūla ku mukalañano wa kushika.
7 Kipindi kya Yuda kidi ku mukalo wa Lubeni,+ tamba ku mukalañano wa kutunduka kutūla ku mukalañano wa kushika.
8 Ku mukalo wa Yuda, tamba ku mukalañano wa kutunduka kutūla ku mukalañano wa kushika, kyabuntu kyomufwaninwe kutūla pafula kikekala kya maboko* 25 000 mu bunkimbwa+ kadi kidingakene na bula bwa bipindi bikwabo bya bisaka tamba ku mukalañano wa kutunduka kutūla ku mukalañano wa kushika. Kipandulwe kikekala mu bukata mwakyo.
9 “Kyabuntu kyomukatūdila Yehova pafula kikekala kya maboko 25 000 mu bula ne 10 000 mu bunkimbwa.
10 Kino’ki kikekala kyabuntu kijila kya babitobo.+ Kikekala na maboko 25 000 mutamba wa kungala, maboko 10 000 kushika, maboko 10 000 kutunduka, ne maboko 25 000 kunshi. Kipandulwe kya Yehova kikekala mu bukata mwakyo.
11 Kikekala kya babitobo bapandulwe ba ku bana ba Zadoki,+ boba bavuije biselwa byabo kondi kadi kebasāsukilepo pasāsukile bene Isalela ne bene Levi.+
12 Bakekala na kipindi kya kyabuntu kya ntanda kyatūdilwe pafula bu kintu kijila nakampata, ku mukalo wa bene Levi.
13 “Kupwa’tu ntanda ya babitobo, bene Levi bakekala’ko na kipindi kya maboko 25 000 mu bula ne maboko 10 000 mu bunkimbwa. (Bula bonso bukekala bwa maboko 25 000 mu bula ne 10 000 mu bunkimbwa.)
14 Kebafwaninwepo kupoteja, kushinta nansha kupāna kipindi nansha kimo kilumbuluke bininge kya ntanda, mwanda i kintu kijila kudi Yehova.
15 “Kifuko kishele’ko kya maboko 5 000 mu bunkimbwa kidi kubwipi na mukalañano wa maboko 25 000, i kya bantu bonso mu kibundi,+ bu mwa kūbaka mobo ne ntanda ya madyo. Kibundi kikekala mu bukata mwakyo.+
16 Bino’bi byo bipimo bya kibundi: Mukalañano wa kungala udi na maboko 4 500, mukalañano wa kunshi udi na maboko 4 500, mukalañano wa kutunduka udi na maboko 4 500, mukalañano wa kushika nao na maboko 4 500.
17 Ntanda ya madyo ya kibundi ikekala na maboko 250 kungala, 250 kunshi, 250 kutunduka, ne 250 kushika.
18 “Bula bwa kipindi kishele bukadingakana na kyabuntu kijila,+ maboko 10 000 kutunduka ne maboko 10 000 kushika. Kikadingakana na kyabuntu kijila, kadi bipa byakyo bikekala byakudya bya boba bengidila kibundi.
19 Boba bengidila kibundi ba mu bisaka byonso bya Isalela bakeidima.+
20 “Kyabuntu kyonso i kya maboko 25 000 ku mitamba yonso iná. Mukekitūla pafula bu kyabuntu kijila pamo ne kintu kya kibundi.
21 “Kyokya kishala ku mitamba yonso ibidi ya kyabuntu kijila ne ya kintu kya kibundi kikekala kya mfumu.+ Kikekala kubwipi na mikalañano ya maboko 25 000 idi kutunduka ne kushika kwa kyabuntu. Kikadingakana na bipindi byokilondakene nabyo, kadi kikekala kya mfumu. Kyabuntu kijila ne kipandulwe kya tempelo bikekala mu bukata mwakyo.
22 “Kintu kya bene Levi ne kintu kya kibundi bikekala pa bukata bwa kintu kya mfumu. Ntanda ya mfumu ikekala pa bukata bwa mukalo wa Yuda+ ne mukalo wa Benjemani.
23 “Ino bisaka bishele, kipindi kya Benjemani i kya tamba ku mukalañano wa kutunduka kutūla ku mukalañano wa kushika.+
24 Kipindi kya Shimioni kidi ku mukalo wa Benjemani,+ tamba ku mukalañano wa kutunduka kutūla ku mukalañano wa kushika.
25 Kipindi kya Isakala+ kidi ku mukalo wa Shimioni, tamba ku mukalañano wa kutunduka kutūla ku mukalañano wa kushika.
26 Kipindi kya Zebuluna kidi ku mukalo wa Isakala,+ tamba ku mukalañano wa kutunduka kutūla ku mukalañano wa kushika.+
27 Kipindi kya Ngade kidi ku mukalo wa Zebuluna,+ tamba ku mukalañano wa kutunduka kutūla ku mukalañano wa kushika.
28 Mukalañano wa kunshi dya ku mukalo wa Ngade ukenda tamba ku Tamala+ kutūla ku mema a Medibote-Kadesha,+ ku Kinekaneka*+ kufika ne ku Dijiba Dikatampe.*
29 “Ino’i yo ntanda yomukabila bisaka bya Isalela bu bupyani,+ kadi bino’bi bikekala bipindi byabo,”+ i Mfumu Mwinē Lupusa Lonso Yehova unena.
30 “Pano po pa kutambila mu kibundi: Mutamba wa kungala ukekala na maboko 4 500.+
31 “Bibelo bya kibundi bikenikwa mungya majina a bisaka bya Isalela. Ku bibelo bisatu bya kungala, kudi kibelo kimo kya Lubeni, kibelo kimo kya Yuda, ne kibelo kimo kya Levi.
32 “Mutamba wa kutunduka ukekala na maboko 4 500 mu bula, kadi kudi bibelo bisatu: kibelo kimo kya Yosefa, kibelo kimo kya Benjemani, ne kibelo kimo kya Dani.
33 “Mutamba wa kunshi ukekala na maboko 4 500, na bibelo bisatu: kibelo kimo kya Shimioni, kibelo kimo kya Isakala, ne kibelo kimo kya Zebuluna.
34 “Mutamba wa kushika ukekala na maboko 4 500 mu bula, na bibelo bisatu: kibelo kimo kya Ngade, kibelo kimo kya Ashela, ne kibelo kimo kya Nafatale.
35 “Kufulakufula konso kukekala na maboko 18 000. Kadi tamba dyodya difuku, dijina dya kibundi diketwa bu Yehova Udi’mo.”+
Kunshi kwa Dyani
^ Nansha’mba “kibelo kya Hamata.”
^ Kino kifunkila pa maboko malampe. Tala Mbwejo B14.
^ Ko kunena’mba, Kinekaneka kya Edipito.
^ Ko kunena’mba, Meditelanea.
