ЭМНЕ ҮЧҮН МААНИЛҮҮ? «Түбөлүк өмүргө карата туура көз карашта болгондордун» жүрөгүнө себилген чындыктын үрөнүн Жахаба өстүрөт (Элч 13:48; 1Кр 3:7). Эгер билгендерине ылайык иш кылгандарга жардам берүүгө бүт күчүбүздү жумшасак, Жахаба менен кызматташкан болобуз (1Кр 9:26). Биз менен Ыйык Китепти изилдеп жаткандар куткарылыш үчүн Кудайдын кызматчысы катары чөмүлүшү керектигин түшүнүшү зарыл (1Пт 3:21). Биз аларга жашоосунда айрым нерселерди өзгөрткөндү, кабар айтканды жана окутканды үйрөтүп, ошондой эле өмүрүн Жахабага арнаганга түрткү берип Исанын шакирти болууга жардам беребиз (Мт 28:19, 20).

КАНТИП КЫЛСА БОЛОТ?

• Ыйык Китепти изилдеп жаткандарга изилдөөнүн максаты аларга Жахабаны «таанып-билүүгө» жана ага жагууга жардам берүү экенин эстетип тургула (Жн 17:3)

• Аларга жаман адаттар же жаман чөйрө сыяктуу тоскоолдуктарды жеңгенди үйрөтүп, рухий жактан өскөнгө жардам бергиле

• Аларды чөмүлгөнгө чейин жана андан кийин да бекемдеп, дем-күч берип тургула (Элч 14:22)

«ЖАХАБА САГА ЖАРДАМ БЕРЕТ» ДЕГЕН ВИДЕОНУ КӨРҮП, ТӨМӨНКҮ СУРООЛОРГО ЖООП БЕРГИЛЕ:

• Кимдир бирөөлөр өмүрүн Кудайга арнагандан жана чөмүлгөндөн эмне үчүн коркушу мүмкүн?

• Аксакалдар Ыйык Китепти изилдегендерге рухий жактан ийгилик кылууга кантип жардам бере алат?

• Ышая 41:10дон Жахаба тууралуу эмнени биле алабыз?

• Жеткилең эмес болсок да, Жахабага жаккандай кызмат кылууга кайсы сапаттар жардам берет?