ىزگىلىككە ىڭكارسىز بە؟
جۇرت ٴبىزدى ىزگى، جاقسى ادام دەپ تانىعانىن ٴبارىمىز دە قالايمىز. الايدا «جاقسىلىقتى جەك كورەتىن» مىنا دۇنيەدە ىزگىلىك تانىتۋ كىم-كىمگە دە وڭاي ەمەس (ٴتىم. 2-ح. 3:3). ادامدار «جاقسىنى جامان، جاماندى جاقسى» دەيدى، اق پەن قارانى ٶز بەتتەرىنشە اجىراتۋدى قالايدى (يشايا 5:20). ىزگىلىك ٸزىن سۋىتقان وسىنداي ورتادا تۇرىپ جاتقانىمىزدى بىلاي قويعاندا، العان تاربيەمىز بەن كەمەلسىزدىگىمىز تاعى بار. ٴبىر باۋىرلاسىمىزدىڭ ايتقانى كوبىمىزدىڭ كوكەيىمىزدە جۇرگەن ويدى اڭعارتاتىن بولار. ەحوباعا جىلدار بويى قىزمەت ەتىپ كەلە جاتسا دا، ول: «مەنەن ىزگى ادام شىقپايتىن سياقتى»،— دەپ مۇڭىن شاقتى.
ٴسىزدى قۋانتىپ قويايىق، قانداي كەدەرگى بولماسىن، كەز كەلگەن ادام ىزگى بولا الادى! سەبەبى ىزگىلىك قۇدايدىڭ كيەلى رۋحىنان تۋىندايدى. ال ونىڭ رۋحى ىشكى نە سىرتقى كەدەرگىلەردىڭ قاي-قايسىسىنان دا كۇشتى. ولاي بولسا، وسى قاسيەتتىڭ قىر-سىرىنا ٷڭىلىپ، ونى قالاي جاقسىراق تانىتۋعا بولاتىنىن كورەيىك.
ىزگىلىك دەگەن نە؟
ىزگىلىك * — ونەگەلىلىكتىڭ شىڭى، جاماندىق اتاۋلىدان تازا. ىزگى ادام مورالدىق جاعىنان كىرشىكسىز، ٵرقاشان يگىلىككە ۇمتىلادى. ول باسقا ادامدارعا وڭ اسەرىن تيگىزەدى، ٵرى كىمگە، قالاي جاقسىلىق جاساسام ەكەن دەپ جۇرەدى.
وتباسى مەن دوستارىنا جاقسىلىق جاساۋعا قاشاندا دايىن ادامداردى بىلەتىن شىعارسىز. ٴبىراق بۇل — ەحوبا ولاردى ىزگى ادام دەپ بىلەدى دەگەن ٴسوز ەمەس. ويتكەنى ناعىز ىزگىلىكتى يا جاقسىلىقتى ەشبىر پەندە تانىتا المايدى. كيەلى كىتاپتا: «جەر بەتىندە ٵردايىم جاقسىلىق جاساپ، ەشقاشان كۇنا ىستەمەيتىن ٵدىل ادام جوق»،— دەلىنگەن (ۋاع. 7:20). ەلشى پاۋىل: «بويىمدا، ياعني تانىمدە، ەش جاقسىلىقتىڭ جوق ەكەنىن بىلەمىن»،— دەپ مويىنداعان (ريم. 7:18). سوندىقتان ناعىز ىزگى ادام بولعىمىز كەلسە، ىزگىلىكتىڭ قاينار بۇلاعى ەحوباعا جۇگىنگەنىمىز ابزال.
ىزگىلىكتىڭ ٴتۇپ كوزى
نەنىڭ ىزگى ەكەنىن ورناتاتىن — ەحوبا قۇداي. جازبالاردا ەحوبا تۋرالى: «سەن يگىسىڭ [ياكي ىزگىسىڭ]، ىستەرىڭ دە يگى [ياكي ىزگى]. ماعان جارلىقتارىڭدى ۇيرەتشى»،— دەگەن سوزدەر بار (ٴزاب. 119:68). قازىر وسى تارماقتى ارقاۋ ەتە وتىرىپ، ەحوبانىڭ ىزگىلىگىنىڭ ەكى قىرىنا توقتالامىز.
ەحوبانىڭ ٶزى ىزگى. ىزگىلىك قاسيەتى — ەحوبانىڭ بولمىسىنىڭ اجىراماس بولىگى. ول مۇساعا: «مەن ساعان بار ىزگىلىگىمدى كورسەتەمىن»،— دەگەن كەزدە قانداي جاعداي بولعانىن كورەيىكشى. ەحوبا مۇساعا ىزگىلىگىمەن قوسا ۇلىلىعىن پاش ەتكەندە، مىناداي داۋىس ەستىلدى: «ەحوبا، ەحوبا — مەيىرىمدى دە جاناشىر، اشۋلانۋعا اسىقپايتىن، اينىماس سۇيىسپەنشىلىگى مول جانە ٵردايىم سوزىنە ادال قۇداي. ول اينىماس سۇيىسپەنشىلىگىن مىڭداعان ۇرپاققا كورسەتەدى. تەرىس قىلىقتى، قىلمىس پەن كۇنانى كەشىرەدى، ٴبىراق كىنالىنى ەشقاشان جازاسىز قالدىرمايدى» (مۇس. 2-ج. 33:19؛ 34:6، 7). بۇدان تۇيەرىمىز — ەحوبانىڭ ىزگىلىگى ونىڭ ٵربىر قاسيەتىنەن كورىنىس تابادى. يسا ادامزات تاريحىنداعى ەڭ ىزگى تۇلعا بولسا دا: «قۇدايدان باسقا ەشكىم دە ىزگى ەمەس»،— دەگەن (لۇقا 18:19).
ٴزاب. 145:9). ول ادامدارعا ٶمىردى دە، ومىرگە قاجەتتىنىڭ ٴبارىن دە بەرىپ، ىزگىلىگىن ەشكىمنەن ايامايدى (ەل. ٸس. 14:17). ٴبىزدى كەشىرەتىنىنەن دە ىزگىلىگى كورىنەدى. «ۋا، ەحوبا، سەن ىزگى ٵرى كەشىرۋگە دايىنسىڭ»،— دەلىنگەن زابۇر كىتابىندا (ٴزاب. 86:5). «ەحوبا مىنسىزدىكتەن تايماي جۇرەتىندەردى ەشبىر يگىلىكتەن قۇرالاقان قالدىرمايدى» (ٴزاب. 84:11).
ەحوبانىڭ ىستەرى ىزگى. ونىڭ كەز كەلگەن ٸس-ارەكەتىنەن ىزگىلىك ەسىپ تۇرادى. «ەحوبا بارىنە شاپاعاتىن تۇسىرەدى، بارلىق ىستەرىنەن مەيىرىمى كورىنەدى» (ىزگى بولۋدى ۇيرەنەيىك
ادام بالاسى قۇدايعا ۇقساس ەتىپ جارالعاندىقتان، ىزگى بولا دا الادى، ىزگى ىستەر جاساي دا الادى (مۇس. 1-ج. 1:27). قۇداي ٴسوزى: «جاقسىلىق [ياكي ىزگىلىك] جاساۋدى ۇيرەنىڭدەر»،— دەپ شاقىرادى (يشايا 1:17). ەندەشە ٴبىز، قۇدايدىڭ قىزمەتشىلەرى، قالاي ىزگى بولا الامىز؟ مۇنىڭ ٷش جولى بار.
ٴبىرىنشىسى — دۇعادا كيەلى رۋح سۇراۋ ارقىلى. سوندا جۇرەگىمىزگە شىنايى ىزگىلىك ۇيالايدى (عال. 5:22). ٴيا، قۇدايدىڭ كيەلى رۋحى جاماندىقتان جيرەنىپ، جاقسىلىقتى سۇيۋگە كومەكتەسەدى (ريم. 12:9). كيەلى كىتاپتا ەحوبانىڭ «ىستەرىمىز دە، سوزدەرىمىز دە ٵرقاشان يگى بولۋ ٷشىن نىعايتاتىنى» ايتىلعان (سال. 2-ح. 2:16، 17).
ەكىنشى جولى — رۋحتىڭ جەتەلەۋىمەن جازىلعان قۇداي ٴسوزىن وقۋ. سولاي ەتسەك، «جاقسىلىق اتاۋلىنى تۇسىنەمىز» ٵرى «كەز كەلگەن يگى ىسكە تولىقتاي دايار بولامىز» (ناق. س. 2:9؛ ٴتىم. 2-ح. 3:17). كيەلى كىتاپتى وقىپ، بىلگەنىمىز تۋرالى وي جىبەرىپ تولعانعاندا، جۇرەگىمىز قۇداي جايىندا، ونىڭ ەركى جايىندا ىزگى اسىل تاستارعا تولادى. بۇل رۋحاني قازىنامىزدى بايىتا ٴتۇسىپ، ەرتەڭگى كۇنى كادەمىزگە اسادى (لۇقا 6:45؛ ەفەس. 5:9).
ٷشىنشى جولى — بار كۇشىمىزدى سالىپ «جاقسىلىققا ەلىكتەۋ» (جوح. 3-ح. 11). جازبالار جاقسى ادامداردىڭ ۇلگىسىنە تۇنىپ تۇر. ارينە، ۇلگى تۇتار ەڭ ۇزدىك تۇلعالار — ەحوبا مەن يسا. دەگەنمەن ىزگىلىگىمەن تاريحتا ٸز قالدىرعان قۇداي قىزمەتشىلەرىنەن دە ۇيرەنەرىمىز كوپ. مىسالى، تابيتا مەن بارنابادان (ەل. ٸس. 9:36؛ 11:22—24). ولار جايىندا كيەلى كىتاپتا نە ايتىلعانىن زەرتتەپ، باسقالارعا قالاي جاردەم بەرگەندەرىنە كوڭىل قويىڭىز. ٶزىڭىز دە وتباسىڭىزعا نە باۋىرلاستارعا قانداي كومەك ۇسىنا الاتىنىڭىزدى ويلاپ كورىڭىز. تابيتا مەن بارنابا ىزگى بولعاندارىنىڭ قانداي جەمىسىن كورگەندەرىن دە نازاردان تىس قالدىرماڭىز. ٴسىز دە مۇنداي جەمىستى ناتيجەگە جەتە الاسىز.
ٴسىزدىڭ اينالاڭىزدا دا ىزگى جاندار از ەمەس شىعار. ماسەلەن، «ىزگىلىك اتاۋلىنى جاقسى كورەتىن»، قاۋىم ٷشىن ٴتۇن ۇيقىسىن ٴتورت بولەتىن اقساقالدار، تيت. 1:8؛ 2:3). روزلين ەسىمدى باۋىرلاسىمىز بىلاي دەيدى: «مەنىڭ قۇربىم قاۋىمداعى بىرەۋ كومەككە نە جىگەرگە مۇقتاج بولسا، جانىن سالىپ قول ۇشىن بەرەدى. ول ادامنىڭ جاي-كۇيى تۋرالى ويلانىپ، كىشىگىرىم سيلىق جاسايدى نەمەسە باسقالاي جاردەم بەرەدى. مەن ونى ناعىز ىزگى ادام دەپ ايتار ەدىم».
سوزىمەن ٵرى ٴجۇرىس-تۇرىسىمەن «ىزگىلىككە ۇيرەتەتىن» ادال ايەل باۋىرلاستار (ەحوبا ٶز حالقىنا: «جاقسىلىقتى ىزدەڭدەر»،— دەيدى (اموس 5:14). سولاي ەتسەك، ەحوبانىڭ نورمالارىن ٴسۇيىپ قانا قويماي، ىزگى ىستەر جاساۋعا دا ىقىلاستى بولامىز.
ٴبىز ٶزىمىز دە، ٸسىمىز دە ىزگى بولعانىن قالايمىز
ىزگىلىك تانىتۋ ٷشىن تاۋدى قوپارۋدىڭ نەمەسە قىمبات سيلىق جاساۋ ٷشىن قالتادان قاعىلۋدىڭ قاجەتى جوق. مىسالى، گۇل ٶسۋ ٷشىن وعان ٴبىر قۇيعاندا ٴبىر شەلەك سۋ قۇيمايمىز عوي. از-ازدان ٴجيى-ٴجيى قۇيىپ وتىرامىز. سول سەكىلدى ىزگىلىك تە كوپتەگەن كىشىگىرىم جاقسىلىقتان قۇرالادى.
جازبالار ٴبىزدى ىزگى ىسكە دايىن بولۋعا شاقىرادى (ٴتىم. 2-ح. 2:21؛ تيت. 3:1). وزگە ادامنىڭ جاي-كۇيىنە نازار اۋدارساق، وعان «ۇنايتىندى، ياعني ونى رۋحاني نىعايتاتىن نارسەنى ىستەۋدىڭ» جولىن تابامىز (ريم. 15:2). بالكىم، قولىمىزداعى بارىمىزبەن بولىسەرمىز (ناق. س. 3:27). ٴبىر كەسە شايعا شاقىرىپ، كوڭىلدى سەرگىتەتىن اڭگىمەگە تارتاتىن شىعارمىز. ال بىرەۋ اۋىرىپ جاتسا، وعان اشىق حات جولداپ نە ۇيىنە سوعارمىز، بولماسا تەلەفون شالىپ ٴحالىن سۇرارمىز. ٴيا، ٴبىر ساتكە كىدىرىپ ويلانىپ كورسەك، باسقالاردى «قاجەت كەزىندە نىعايتىپ، پايدالارىنا اساتىن» جاقسى ٴسوز ايتۋدىڭ كوپ جولىن تابامىز (ەفەس. 4:29).
ەحوبانى ۇلگى تۇتىپ، ٴبىز دە بارلىق ادامعا ىزگىلىك جاساعىمىز كەلەدى. سوندىقتان الالاۋشىلىقتان اۋلاقپىز. ادامداردىڭ بارىنە بىردەي ىزگىلىك تانىتۋدىڭ ەڭ تاماشا جولى — پاتشالىق تۋرالى ىزگى حاباردى ايتۋ. ٴبىز، يسا بۇيىرعانداي، ٴبىزدى جەك كورەتىندەرگە دە ىزگىلىك تانىتامىز (لۇقا 6:27). بىرەۋگە مەيىرىمدىلىك پەن ىزگىلىك تانىتۋدىڭ ەش وعاشتىعى جوق. ويتكەنى «بۇلارعا قارسى ەش زاڭ جوق» (عال. 5:22، 23). ٶز قيىندىعىمىزعا نە وزگەنىڭ جاساعان جاماندىعىنا قاراماي «جاقسى ٴجۇرىس-تۇرىسىمىزدان» اينىماساق، وزگەلەردىڭ شىندىققا تارتىلۋى ابدەن مۇمكىن، سونداي-اق قۇدايعا ماداق اكەلەمىز (پەت. 1-ح. 3:16، 17).
ىزگىلىك ەككەن ىزگىلىك ورادى
«جاقسى ادام ٸس-ارەكەتىنىڭ جەمىسىن كورەدى»،— دەيدى قۇداي ٴسوزى (ناق. س. 14:14). ىزگىلىكتىڭ جەمىستەرى قانداي؟ باسقالارعا ىزگىلىك تانىتقاندا، ولار دا بىزگە ىزگىلىكپەن جاۋاپ بەرىپ جاتادى (ناق. س. 14:22). بۇلاي بولماعان كۇندە دە، ۇزبەي جاقسىلىق جاساي بەرسەك، «قاتۋلانىپ تۇرعان ادامدى جۇمسارتىپ، جۇرەگىن جىبىتە» الامىز (ريم. 12:20 ٴسىلت.).
جاماندىعىن تيىپ، جاقسىلىققا بەت بۇرعان كوپ ادام قازىر ناعىز باقىتتىڭ دامىن تاتۋدا. بۇعان نەنسيدىڭ ٶمىرى دالەل. ول بىلاي دەپ سىر شەرتەدى: «بويجەتە كەلە بەيبەرەكەت، ازعىن ٶمىر كەشتىم، ابىرويدان جۇرداي بولدىم. ٴبىراق قۇدايدىڭ كوز الدىندا ىزگىلىككە نە جاتاتىنىن بىلگەن سوڭ، ٶمىرىمدى سوعان ساي تۋرالاي باستادىم. سودان باقىتىم دا ەسەلەنە بەردى. قازىر قادىر-قاسيەتىمدى قايتا تاپقاندايمىن».
ماقالادان ىزگى بولۋعا كوپ سەبەپ بار ەكەنىن كوردىك. دەسە دە ەڭ باستى سەبەپ — ەحوبانى قۋانتقىمىز كەلەتىنى. ٴبىزدىڭ ىزگى ىستەرىمىزدى باسقالار بايقاماعان جاعدايدا دا ەحوبا بايقايدى. ول ىزگىلىك جولىنداعى ٵربىر ٸسىمىز بەن ٵربىر ىزگى ويىمىزدى بىلەدى (ەفەس. 6:7، 8). ەحوبا ىزگى ادامدى سيسىز قالدىرمايدى. كيەلى كىتاپتا ايتىلعانداي، «ەحوبا جاقسى ادامدى ۇناتادى»، ياعني ىقىلاسىنا بولەيدى (ناق. س. 12:2). ولاي بولسا، وسى ادەمى قاسيەتتى شىڭداي بەرەيىك. ەحوبا: «جاقسىلىق جاسايتىن اركىم... تىنىشتىققا، داڭق پەن قۇرمەتكە بولەنەدى»،— دەپ ۋادە بەرەدى (ريم. 2:10).
^ 5-ابزاس ٴتۇپنۇسقاداعى ىزگىلىك ٴسوزى قازاق تىلىندەگى «كيەلى جازبالار. جاڭا دۇنيە اۋدارماسىندا» جاقسىلىق، يگىلىك دەپ تە بەرىلدى.