ريمدىكتەرگە 2:1—29
2 سوندىقتان بىرەۋگە ۇكىم ايتار بولساڭ، ەي، ادام، كىم بولساڭ دا+، ەش اقتالا المايسىڭ. ويتكەنى وزگەگە ۇكىم ايتىپ تۇرىپ، وزىڭە ۇكىم ايتاسىڭ. سەبەبى ونى ايىپتاي تۇرا، ٶزىڭ دە ٴدال سول سياقتى ىستەر جاسايسىڭ عوي+.
2 ال ٴبىز مۇنداي ىستەرمەن اينالىساتىنداردى قۇدايدىڭ شىندىققا ساي سوتتايتىنىن بىلەمىز.
3 ەي، ادام، ٶزىڭ دە ىستەيتىن ىستەر ٷشىن وزگەنى ايىپتاي وتىرىپ، قالايشا قۇدايدىڭ سوتىنان قاشىپ قۇتىلامىن دەپ ويلايسىڭ؟
4 الدە قۇدايدىڭ مەيىرىم كورسەتۋىمەن سەنى كۇنالارىڭا وكىندىرگىسى كەلەتىنىن+ ۇقپاي، ونىڭ مول مەيىرىمدىلىگىن+، زور توزىمدىلىگى+ مەن اسقان شىدامدىلىعىن+ مەنسىنبەيسىڭ بە؟
5 ٴبىراق سەن قاسارىسىپ، كۇنالارىڭا وكىنگىڭ كەلمەي، قۇدايدىڭ قاھارىن قايناتىپ جاتىرسىڭ. ول ٵدىل سوت جۇرگىزەتىن كۇنى قاھارىن توگەدى+.
6 سوندا ول اركىمگە ىسىنە قاراي قارىمتاسىن قايتارادى+:
7 جاقسىلىق جاساۋدان تالماي، داڭققا، قۇرمەت پەن شىرىمەس دەنەگە+ يە بولۋعا تىرىسىپ جۇرگەندەرگە ماڭگىلىك ٶمىر سيلايدى،
8 ال داۋقۇمارلارعا جانە شىندىققا ەمەس، ادىلەتسىزدىككە مويىنسۇناتىندارعا قاھارى مەن كارىن توگەدى+.
9 جاماندىق جاسايتىن اركىم، الدىمەن ياھۋدي، سوسىن گرەك، قيىندىق پەن ازاپ كورەدى.
10 ال جاقسىلىق جاسايتىن اركىم، الدىمەن ياھۋدي+، سوسىن گرەك+، تىنىشتىققا، داڭق پەن قۇرمەتكە بولەنەدى.
11 ويتكەنى قۇداي ەشكىمدى الالامايدى+.
12 قۇداي زاڭىن بىلمەي كۇنا جاساعانداردىڭ ٴبارى زاڭدى بىلمەي ولەدى+، ال ونى ٴبىلىپ كۇنا جاساعانداردىڭ ٴبارى زاڭ بويىنشا سوتتالادى+.
13 ويتكەنى زاڭدى ەستىگەندەر ەمەس، ونى ورىندايتىندار قۇداي الدىندا ٵدىل دەپ جاريالانادى+.
14 باسقا ۇلت ادامدارى قۇداي زاڭىن بىلمەسە دە+، تۋمىسىنان ونىڭ تالاپتارىن ورىنداعاندا، سول زاڭسىز-اق جاقسى مەن جاماندى ايىرا الاتىندارىن كورسەتەدى.
15 وسىلايشا زاڭنىڭ تالاپتارى جۇرەكتەرىندە جازۋلى ەكەنىن پاش ەتەدى. ولاردىڭ ار-ۇجداندارى وزدەرىمەن بىرگە كۋالىك ەتەدى، ٵرى ويشا ولار وزدەرىن ايىپتايدى نە اقتايدى.
16 وسى ايتىپ وتىرعاندارىم ٶزىم جاريالاپ جۇرگەن ىزگى حابارعا ساي، قۇدايدىڭ ٴماسىح يسا ارقىلى ادامداردى جاسىرىن ىستەرى ٷشىن سوتتايتىن كۇنى جۇزەگە اسادى+.
17 ەگەر ياھۋدي اتالىپ جۇرگەن+ سەن زاڭعا ارقا سۇيەسەڭ، قۇدايمەن قارىم-قاتىناسىڭا ماقتانساڭ،
18 ونىڭ ەركىن بىلسەڭ، زاڭنان ٴتالىم العاندىقتان+ جوعارى باعالاناتىن نارسەلەردى ايىرا بىلسەڭ،
19 سوقىرلارعا جەتەكشى، تۇنەكتەگىلەرگە جارىق،
20 اقىلسىزدارعا تاربيەشى، بالا سياقتى ادامدارعا ۇستاز ەكەنىڭە، زاڭداعى قۇداي تۋرالى نەگىزگى ٴبىلىم مەن شىندىقتى تۇسىنەتىنىڭە سەنىمدى بولساڭ،
21 وندا قالايشا وزگەنى ۇيرەتە تۇرا، ٶزىڭدى ۇيرەتپەيسىڭ+؟ «ۇرلاما»+ دەپ ۋاعىزداي تۇرا، نەگە ٶزىڭ ۇرلايسىڭ؟
22 «نەكە ادالدىعىن بۇزبا»+ دەي تۇرا، نەگە ٶزىڭ نەكە ادالدىعىن بۇزاسىڭ؟ پۇتتاردان جيرەنە تۇرا، نەگە عيباداتحانالاردى تونايسىڭ؟
23 زاڭىمىز بار دەپ ماقتاناسىڭ، ٴبىراق نەگە سول زاڭدى بۇزىپ، قۇدايدى قورلايسىڭ؟
24 ويتكەنى، كيەلى جازبادا ايتىلعانداي، «سەندەرگە بولا باسقا ۇلتتار اراسىندا قۇداي ەسىمى قورلانۋدا»+.
25 زاڭدى ورىنداپ جۇرسەڭ عانا، سۇندەتتەلگەنىڭنىڭ+ پايداسى بولادى+. ال زاڭدى ورىنداماساڭ، سۇندەتتەلگەنىڭنەن ەش پايدا جوق.
26 سوندىقتان سۇندەتتەلمەگەن ادام+ زاڭنىڭ ٵدىل تالاپتارىن ورىنداپ جۇرسە، سۇندەتتەلمەسە دە، سۇندەتتەلگەن بولىپ ەسەپتەلەدى، سولاي ەمەس پە+؟
27 وسىلايشا سۇندەتتەلمەگەن ادام زاڭدى ورىنداۋىمەن سەنى — جازباشا زاڭى بار ٵرى سۇندەتتەلگەن بولا تۇرا، زاڭدى ورىندامايتىن ٴياھۋديدى — سوتتايدى.
28 ويتكەنى سىرتىنان ياھۋدي كورىنگەن ادام — ناعىز ياھۋدي ەمەس+. سول سياقتى، تاندە جاسالعان سۇندەت تە شىنايى سۇندەت ەمەس+.
29 قايتا، ناعىز ياھۋدي — جان دۇنيەسىندە ياھۋدي بولعان ادام+. سول سياقتى، شىنايى سۇندەت — جازباشا زاڭ ارقىلى ەمەس+، رۋح ارقىلى جۇرەككە جاسالعان سۇندەت+. مۇنداي كىسى ادامداردىڭ ەمەس، قۇدايدىڭ ماقتاۋىنا يە بولادى+.
