تىموتەگە 2-حات 3:1—17
3 سوڭعى كۇندەرى+ ەرەكشە قيىن ۋاقىت بولاتىنىن ٴبىلىپ قوي:
2 ادامدار تەك قارا باسىن ويلايتىن، اقشاقۇمار، ماقتانشاق، تاكاپپار، بالاعاتشىل، اتا-اناسىنا مويىنسۇنبايتىن، العىستى بىلمەيتىن، وپاسىز،
3 باۋىرمالدىقتان جۇرداي، ىمىراعا كەلمەيتىن، جالاقور، ۇستامسىز، بۇزاقى، جاقسىلىقتى جەك كورەتىن،
4 ساتقىن، قيقار، وركوكىرەك، قۇدايدان گورى ٴلاززات-ەرمەكتى ارتىق كورەتىن بولادى،
5 قۇدايشىل بولىپ كورىنگەنمەن، بۇنى ىستەرىمەن كورسەتپەيدى+. مۇندايلاردان اۋلاق ٴجۇر.
6 ويتكەنى سولاردىڭ اراسىنان ۇيلەرگە قۋلىقپەن كىرىپ، ٵلسىز ايەلدەردى ەلىكتىرىپ، تورلارىنا تۇسىرەتىن ادامدار شىعادى. ول ايەلدەر كۇنا مەن ٴتۇرلى قۇمارلىقتارعا ابدەن بەرىلگەن.
7 ولار ۇنەمى ٴتالىم العانمەن، ەشقاشان شىندىقتى تولىق تۇسىنە المايدى.
8 يانني مەن ٴيامبريدىڭ مۇسا پايعامبارعا قارسى شىققانى سياقتى، الگى ادامدار دا شىندىققا قايتپاي قارسى شىعادى. ولاردىڭ سانالارى ابدەن بۇلىنگەن، ٵرى سەنىم جولىمەن جۇرمەي، قۇدايدىڭ ىقىلاسىنان ايىرىلعان.
9 الايدا ولار الىسقا بارا المايدى، ويتكەنى ولاردىڭ اقىماقتىعى الگى ەكەۋىنىكى سياقتى بارىنە ايدان انىق بولادى+.
10 ال سەن مەنىڭ ۇيرەتكەندەرىمە دەن قويدىڭ، ٶمىر سالتىمدى+، ماقساتىم، سەنىمىم، شىدامدىلىعىم، سۇيىسپەنشىلىگىم مەن تاباندىلىعىمدى ۇلگى تۇتتىڭ.
11 انتيوحيا+، يقونيا+ مەن ليسترادا+ قالاي قۋدالانعانىمدى جانە قانداي ازاپ كورگەنىمدى دە بىلەسىڭ. تالاي قۋدالاۋدى باستان وتكىزدىم، ال يەمىز مەنى سولاردىڭ بارىنەن قۇتقاردى+.
12 ٴيا، ٴماسىح يسانىڭ شاكىرتى رەتىندە قۇدايعا شىن بەرىلىپ ٶمىر سۇرگىسى كەلەتىندەردىڭ ٴبارى دە قۋعىندالادى+.
13 ال زۇلىمدار مەن الاياقتار بۇرىنعىدان بەتەر جاماندىق جاساپ، وزگەلەردى دە الداپ، وزدەرى دە الدانا بەرمەك+.
14 ٴبىراق سەن ۇيرەنگەن ٵرى كوزىڭ جەتكەن نارسەلەردى بۇدان بىلاي دا ۇستانا بەر+، ويتكەنى كىمدەردەن ٴتالىم العانىڭدى بىلەسىڭ.
15 سونىمەن قاتار ادامدى دانا ەتەتىن كيەلى جازبالارمەن نارەستە كەزىڭنەن-اق+ تانىسسىڭ+. وسى دانالىق ٴماسىح يساعا دەگەن سەنىم ارقىلى قۇتقارىلۋعا جەتكىزەدى+.
16 كيەلى جازبالاردىڭ ٴبارى قۇداي رۋحىنىڭ جەتەلەۋىمەن جازىلعان+، ٵرى ٴتالىم بەرۋگە+، اشكەرەلەۋگە، تۇزەتۋگە، ٵدىل تالاپتارعا ساي تاربيەلەۋگە ٴتيىمدى+.
17 وسىلاي قۇداي ادامى بارىنشا جارامدى، ياعني كەز كەلگەن يگى ىسكە تولىقتاي دايار بولادى.
