ريمدىكتەرگە 15:1—33
15 سوندىقتان سەنىمى بەرىك بىزدەر وزىمىزگە ۇنايتىندى ىستەمەي+، السىزدەردىڭ اۋىرتپالىقتارىن كوتەرۋگە ٴتيىسپىز+.
2 ٴارقايسىسىمىز وزگەگە ۇنايتىندى، ياعني ونى رۋحاني نىعايتاتىن نارسەنى ىستەيىك+.
3 ويتكەنى ٴماسىح تە وزىنە ۇنايتىندى ىستەگەن جوق+. بۇل تۋرالى: «سەنى قورلاعانداردىڭ عايبات سوزدەرى ماعان ٴتيدى»+،— دەلىنگەن.
4 بۇرىن جازىلعانداردىڭ ٴبارى بىزگە ٴتالىم بولسىن دەپ جازىلعان+. وسىلايشا تاباندىلىعىمىز+ ارقىلى جانە جازبالاردان العان جۇبانىشىمىز ارقىلى ۇمىتكە يە بولا الامىز+.
5 تاباندىلىق پەن جۇبانىش بەرەتىن قۇداي بارىڭە ٴماسىح يسانىڭ وي قالپىن سيلاسىن!
6 سوندا يەمىز يسا ٴماسىحتىڭ قۇدايىن ٵرى اكەسىن بىرىگىپ+، ٴبىراۋىزدان ماداقتايسىڭدار.
7 قۇداي ماداقتالۋ ٷشىن، ٴماسىح ٴبىزدى قالاي قابىلداعان بولسا+، سەندەر دە ٴبىر-ٴبىرىڭدى سولاي قابىلداڭدار+.
8 سەندەرگە ايتامىن، قۇدايدىڭ شىنشىل ەكەنىن دالەلدەۋ ٷشىن ٴماسىح سۇندەتتەلگەندەردىڭ قىزمەتشىسى بولىپ+، ولاردىڭ اتا-بابالارىنا بەرىلگەن ۋادەلەردىڭ ٶز كۇشىندە ەكەنىن راستادى+.
9 سونداي-اق باسقا ۇلتتاردىڭ وزدەرىنە كورسەتكەن مەيىرىمى+ ٷشىن قۇدايدى ماداقتاۋىنا سەبەپشى بولدى. بۇل تۋرالى: «سەنى ۇلتتار اراسىندا ماداقتايىن، اتىڭدى انگە قوسىپ داڭقتايىن»+،— دەپ جازىلعان.
10 سونداي-اق بىلاي دەلىنگەن: «حالىقتار، ونىڭ حالقىمەن بىرگە قۋانىڭدار!»+
11 تاعى بىلاي دەلىنگەن: «بارلىق ۇلتتار، ەحوبانى ماداقتاڭدار! كۇللى حالىقتار دا ونى ماداقتاسىن!»+
12 يشايا پايعامبار دا: «ەسەيدىڭ تامىرىنان ۇرپاق شىعىپ+، ۇلتتارعا بيلىك ەتەدى+. ۇلتتار وعان ٷمىت ارتادى+»،— دەگەن.
13 كيەلى رۋحتىڭ قۇدىرەتىمەن+ ۇمىتتەرىڭ مولايا ٴتۇسۋ ٷشىن، ٷمىتىمىزدىڭ باستاۋى — قۇداي سەنىمدەرىڭ ارقىلى سەندەرگە زور قۋانىش پەن تىنىشتىق سيلاسىن!
14 باۋىرلاستارىم، تولىق ٴبىلىم العاندىقتان، سەندەردىڭ ىزگى ىستەرگە باي ەكەندەرىڭە، سونداي-اق ٴبىر-بىرىڭە اقىل-كەڭەس بەرە الاتىندارىڭا سەنىمدىمىن.
15 الايدا كەيبىر جايتتاردى قايتادان ەستەرىڭە سالۋ ٷشىن، قۇداي ماعان راقىم كورسەتكەندىكتەن ەداۋىر اشىق جازىپ وتىرمىن.
16 بۇل راقىم ماعان باسقا ۇلتتار ٷشىن ٴماسىح يسانىڭ قىزمەتشىسى بولىپ+، قۇدايدىڭ ىزگى حابارىن جاريالاۋىم ٷشىن كورسەتىلدى+. بۇل قاسيەتتى ىسكە قاتىسۋىمنىڭ ماقساتى — ۇسىنعان قۇرباندىعىمنىڭ، ياعني باسقا ۇلتتاردىڭ، كيەلى رۋح ارقىلى قاسيەتتى ٵرى قۇدايعا ۇنامدى بولۋى.
17 سوندىقتان قۇدايعا دەگەن قىزمەتىمدە ٴماسىح يسانىڭ ٸزباسارى رەتىندە قۋانۋىما سەبەپ بار.
18 باسقا ۇلتتار مويىنسۇنعىش بولۋ ٷشىن ٴماسىحتىڭ مەن ارقىلى ارەكەت ەتكەنىن ايتۋعا عانا باتىلىم جەتىپ وتىر. ٴماسىح مەنىڭ سوزدەرىم مەن ىستەرىم،
19 سونداي-اق بەلگىلەر، كەرەمەتتەر+ جانە قۇداي رۋحىنىڭ كۇشى ارقىلى ارەكەت ەتتى. ٴسۇيتىپ، مەن يەرۋساليمنەن يلليرياعا دەيىنگى اۋماقتى ارالاپ، ٴماسىح تۋرالى ىزگى حاباردى تۇبەگەيلى ۋاعىزدادىم+.
20 وسىلايشا باسقا بىرەۋ سالعان ىرگەتاسقا تۇرعىزباۋ ٷشىن، ٴماسىحتىڭ اتىن ەستىگەن جەرلەردە ىزگى حاباردى جاريالاماۋدى ماقسات ەتتىم.
21 ويتكەنى بىلاي دەپ جازىلعان: «ول تۋرالى حابار جەتپەگەن ادامدار ونى كورەدى، ەستىمەگەندەر تۇسىنەدى+».
22 سەندەرگە بارۋىما قايتا-قايتا بوگەت بولعان دا وسى ەدى.
23 ال ەندى بۇل ولكەدە مەن ۋاعىزداماعان جەر قالمادى. ونىڭ ۇستىنە، كوپ* جىلدان بەرى سەندەرگە بارۋدى اڭساپ ٴجۇرمىن.
24 سوندىقتان يسپانياعا بارار جولدا سەندەردى كورىپ، وزدەرىڭمەن ٴبىراز ۋاقىت بىرگە بولىپ، ماۋقىمدى باسقاننان كەيىن، مەنى سولاي قاراي كىشكەنە شىعارىپ سالارسىڭدار دەپ ۇمىتتەنەمىن.
25 ٴبىراق قازىر قاسيەتتىلەرگە قىزمەت ەتۋ ٷشىن يەرۋساليمگە جول جۇرمەكپىن+.
26 سەبەبى ماكەدونيا مەن احاياداعى باۋىرلاستار بارلارىمەن قۋانا ٴبولىسىپ، يەرۋساليمدەگى قاسيەتتىلەردىڭ اراسىنداعى مۇقتاجدىق كورىپ جۇرگەندەرىنە كومەك جىبەردى+.
27 ٴيا، باسقا ۇلتتار مۇنى قۋانا ىستەدى. نەگىزىندە ولار قاسيەتتىلەردىڭ الدىندا قارىزدار، ويتكەنى رۋحاني يگىلىكتەرىنەن ۇلەس العان. سوندىقتان ولار دا يەرۋساليمدەگى قاسيەتتىلەرمەن قولدا بار يگىلىكتەرىمەن بولىسۋگە مىندەتتى+.
28 بۇل ٸستى ٴبىتىرىپ، جينالعان ساداقانى امان-ەسەن جەتكىزگەننەن كەيىن، يسپانياعا بارار جولدا وزدەرىڭە سوعامىن.
29 سول كەزدە ٴماسىحتىڭ باتالارىن مولىنان الا كەلەتىنىمە كۇمانىم جوق.
30 باۋىرلاستار، يەمىز يسا ٴماسىحتىڭ اتىنان جانە رۋحتىڭ سۇيىسپەنشىلىگىمەن مىناعان شاقىرامىن: مەنىمەن بىرگە قۇدايعا تالماي دۇعا ەتىپ، مەن ٷشىن سيىنىپ+،
31 ياھۋدەياداعى ماسىحكە سەنبەيتىندەردىڭ قولىنا تۇسپەسىن+ جانە كورسەتكەن قىزمەتىم يەرۋساليمدەگى قاسيەتتىلەرگە+ ۇنامدى بولسىن دەپ تىلەڭدەر.
32 وسىلاي قۇدايدىڭ قالاۋىمەن وزدەرىڭە قۋانىشپەن كەلگەنىمدە، سەندەرمەن بىرگە كوڭىلىم سەرگيتىن بولادى.
33 تىنىشتىق سيلايتىن قۇداي بارىڭە دە جار بولسىن+! اۋمين.
سىلتەمەلەر
^ مۇمكىن: «بىرنەشە».
