1. Leejtwg thiaj mloog peb tej lus quaj lus thov,

Peb tus Vajtswv ib txwm qhib siab lug tos.

Kav tsij thov nws thaum peb muaj kev nyuaj siab,

Nws yeej daws tau peb tej kev ntxhov siab tiag.

Thov Yehauvas txhua txhua hnub.

2. Leejtwg thiaj mloog thaum peb thov kev zam txim,

Peb tus Vajtswv zam neeg lub txim tas li.

Cia li qhia txhua yam hauv peb siab rau nws,

Vim nws tib leeg thiaj yog tus tseem Vajtswv.

Thov Yehauvas txhua txhua hnub.

3. Thaum peb raug kev sim siab leejtwg thiaj pab,

Peb tus Vajtswv yeej nqus hlo peb txhais npab.

Kav tsij los cuag nws tsis txhob txhawj ib qho,

Vim nws thiaj li yog peb lub chaw vam khom.

Thov Yehauvas txhua txhua hnub.