ZAJ NKAUJ 148
Yehauvas Cawm Kuv Dim
(2 Xamuyees 22:1-8)
-
1. Tibneeg cov timtswv tsis zoo cuag li Yehauvas.
Tus tsim ib puas tsav yam,
thiaj tsim nyog ua tus kav.
Kuv yeej zoo siab heev thaum nws cev tes los pab,
txhua tsav yam.
Vim nws sawv nraim kuv sab.
(TXAIS)
Cia li qhia txhua leej txhua tus txog Yehauvas,
hais tias nws yeej yuav cawm nws cov tibneeg kom tas.
Yog li cia peb rau siab ntseeg Vajtswv,
qhia nws lub npe,
pub rau txhua leej txhua tus hauv ntiajteb,
tias nws cawm peb.
-
2. Txojkev nyuaj siab niaj hnub ua kuv quaj pos muag nti,
ntxaum kuv lub plhu tas li,
yuav ua li cas thiaj dim.
Yehauvas, thov koj pab tuav kuv txhais tes rawv,
coj kuv tawm,
tej kev nyuaj siab ntxhov plawv.
(TXAIS)
Cia li qhia txhua leej txhua tus txog Yehauvas,
hais tias nws yeej yuav cawm nws cov tibneeg kom tas.
Yog li cia peb rau siab ntseeg Vajtswv,
qhia nws lub npe,
pub rau txhua leej txhua tus hauv ntiajteb,
tias nws cawm peb.
-
3. Kuv yuav teev tiam koj ib leeg,
Vajtswv Yehauvas.
Vim koj Txojlus qhia tias,
koj yog tus Vajtswv tiag.
Kuv tej yeeb ncuab los koj muab tshem mus kom tsis
muaj lawv ntxiv.
Koj yuav cawm txhua tus dim.
(TXAIS)
Cia li qhia txhua leej txhua tus txog Yehauvas,
hais tias nws yeej yuav cawm nws cov tibneeg kom tas.
Yog li cia peb rau siab ntseeg Vajtswv,
qhia nws lub npe,
pub rau txhua leej txhua tus hauv ntiajteb,
tias nws cawm peb.
(Rho ntawm Pnk. 18:1, 2; 144:1, 2.)
