Peb Yog Ib Tse Neeg
1. Ya lis plho tsaws rau ib rab teb,
Peb tau ya tuaj rau txojkev deb.
Thaum ncaim vaj ncaim tsev,
Vajtswv thiaj yog tus,
Tsom kwm txoj hau kev peb mus.
Peb ua tes haujlwm no yeej tsis yooj yim,
Los tsuas yog rau Yehauvas.
Txojkev hlub peb muaj yeej zoo tam li ib tse neeg,
Peb thiaj hais rau txhua leej:
(TXAIS)
“Peb yog Yehauvas pawg ntseeg,
Koom siab ntsws, coj yam ib tse neeg.
Txawm peb nyob ntuj ncua txojkev deb,
Peb hlub nej.
Peb yog ib tse neeg.”
2. Nej mus tos thaum peb ya tuaj txog,
Thiab tseem tos txais peb zoo siab hlo.
Twb txog caij txog nyoog, peb pib kev sib ntsib,
Peb txojkev hlub thiaj hlob ntxiv.
Peb yeej paub zoo tias tsuas yog Yehauvas
Thiaj ua tau txhua tsav txhua yam.
Qhuas Yehauvas sab dej no mus txog rau sab dej tid
Ua ke mus tas ib txhis.
(TXAIS)
“Peb yog Yehauvas pawg ntseeg,
Koom siab ntsws, coj yam ib tse neeg.
Txawm peb nyob ntuj ncua txojkev deb,
Peb hlub nej.
Peb yog ib tse neeg.”
3. Lub dav hlau ya yuj yees dhau dej
Thiab tuaj tsaws ntua rau pej kum teb.
Cov neeg peb ntsib thaum peb qhia Vajlugkub,
Muaj siab mos siab muag txhua tus.
Tej kev hlub peb ib leeg muab rau ib leeg
Qhia tias peb vam khom txhua leej.
Cuab kwvtij thoob ntiajteb txawj sib hlub txawj sib hwm,
Tsis hais nyob rab teb twg.
(HLOOV SUAB)
Peb zoo siab tias
Mus txog twg muaj ib tse neeg puv ntiajteb ntia.
Tebchaws Fab Kis, Kanada,
Mus Phab Mab rau Nkis Yas Nas.
(TXAIS)
“Peb yog Yehauvas pawg ntseeg,
Koom siab ntsws, coj yam ib tse neeg.
Txawm peb nyob ntuj ncua txojkev deb,
Peb hlub nej.
Peb yog ib tse neeg.
Ntawm txhua xeem thiab txhua haiv neeg,
Koom siab ntsws, coj yam ib tse neeg.
Txojkev hlub no peb yeej paub meej
Vim peb yog Yehauvas tsev tibneeg.
Nyiv Pooj, Kaus Lim teb, tebchaws Auxitalia,
Tibneeg Co, tibneeg Hmoob, tibneeg Thaib,
Amelikas, Afika, tebchaws Askiv.
Peb hlub nej, peb yog ib tse neeg.”
