SEKSION 5
Edukasyon sang Ginharian—Paghanas sa mga Alagad sang Hari
NAGAYUHUM ka samtang nagapamati sa humalambal sa plataporma. Bataon sia nga brother sa kongregasyon mo, kag una niya ini nga bahin sa asembleya. Nanamian ka sa iya pamulongpulong, kag nagdayaw ka gid sa paghanas sa katawhan sang Dios. Nadumduman mo nga sadto, nabudlayan gid ining utod sa iya una nga bahin—pero tan-awa sia subong! Daku gid ang iya pag-uswag sang nakaeskwela sia sa Pioneer Service School. Sining karon lang, sia kag ang iya asawa nag-eskwela sa School for Kingdom Evangelizers. Samtang nagapalakpak sa matahom nga pamulongpulong sang utod, nagtulok ka sa palibot mo kag ginhunahuna ang edukasyon nga ginabaton sang tanan nga katawhan sang Dios.
Gintagna sang Biblia nga magaabot ang tion nga ang katawhan sang Dios “pagatudluan ni Jehova.” (Isa. 54:13) Nagakabuhi kita sa sina nga tion. Ginatudluan kita indi lamang paagi sa aton mga publikasyon kundi sa aton man mga miting, asembleya, kombension, kag mga eskwelahan nga gindesinyo para ihanda kita sa espesipiko nga mga asaynment sa organisasyon ni Jehova. Sa sini nga seksion, binagbinagon naton kon paano ini nga edukasyon isa ka daku nga pamatuod nga nagagahom ang Ginharian sang Dios subong.
SA SINI NGA SEKSION
KAPITULO 16
Pagtipon Para Magsimba
Paano kita makabenepisyo sing bug-os sa aton pagtipon para magsimba kay Jehova?
KAPITULO 17
Paghanas sa mga Ministro sang Ginharian
Paano ginhanda sang mga teokratikong eskwelahan ang mga ministro sang Ginharian sa pagtuman sang ila asaynment?