Halin sang Marso 27 asta Abril 1, 2025, grabe ang ulan sa pila ka bahin sang Rio Grande Valley sa southern Texas, U.S.A. Sa iban nga lugar, mga 53 ka sentimetro ang nagtupa nga ulan. Buot silingon, ang ulan nga nagtupa sa sulod sang anom ka adlaw daw pareho na ang kadamuon sa ulan para sa anom ka bulan. Bangod sini, nabahaan ang linibo ka balay kag mga negosyo. Dugang pa, bangod sang sigesige nga pag-ulan, nadulaan sang kuryente ang pila ka lugar, wala sang klase ang mga estudyante, kag indi na mapuslan ang mga pananom. Ginatos ka tawo ang gin-rescue bangod madasig nga nagtaas ang baha, kag linibo pa ang nagbakwit. Indi magnubo sa apat ka tawo ang napatay.

Epekto sa Aton mga Kauturan

• Wala sang utod nga nasamaran ukon napatay

• 54 ka manugbantala ang nagbakwit

• 2 ka balay ang nawasak

• 44 ka balay ang may daku nga guba

• 87 ka balay ang may gamay nga guba

• Wala sang Kingdom Hall nga naguba ukon nawasak

Pagbulig

• Ang mga manugtatap sang sirkito kag ang mga gulang nagahatag sang paumpaw halin sa Biblia kag sang praktikal nga bulig sa mga kauturan nga nagaistar sa apektado nga mga lugar

• May gin-asayn nga isa ka Disaster Relief Committee para magdumala sang pagbulig

Sa sining mabudlay nga tion, nakahibalo kita nga si Jehova padayon nga mangin “malig-on nga dalangpan” sang tanan naton nga kauturan nga naapektuhan sini nga pagbaha.—Salmo 9:9.