Jehovan Solomonak khub zannvai dili ani toxench taka mondir bandpacho khas sueog dilo. Punn uprant to Jehova thaun hollu-hollu korun pois gelo. Khotti bhokti kortoleank lagon, Solomon koso Jehova thaun pois gelo tem tumchea bhurgeank somzaiat. Izrael rajeache don bhag zale. Vaitt razank lagon Izrael porza Jehova thaun pois geli ani khottea devanchi bhokti korunk lagli. Tea vellar, Jehovachea zaitea visvaxi provadeank dhumallo soscho poddlo ani tankam jivexim pasun marun uddoile. Rani Jezebel-an utʼtorechea rajeantlea lokank Jehova thaun anikui pois vhele. Izraelachea itihasant ho ekdom vaitt kall aslo. Punn toriastana, Izraelitkaram modem Jehovache zaite visvaxi sevok asle. Zoxe, Raza Jehoshafat ani provadi Elija.