Bhag 2-ant Kitem Xiktolim
Tea kallar, Jehovan buddtti dhaddun lokancho nas kiteak kelo? Munxank rochun thoddeach vella uprant, borea ani vaitta modem ek zhuz zalem. Hacho orth, Soitan Devachea add gelo ani thoddea zannamnim, mhunnche Adanv, Eve ani tancho put Kainan, Soitanachem aikolem. Punn thoddea zannamnim, zoxem, Abelan ani Noah-n borem tem kelem. Choddso lok itlo noxtto aslo ki Devan tea soglea lokancho nas kelo. Hea bhagant, ami kitem korunk vinchun kaddttat tem Jehova polloita mhunn amkam xikonk mellttolem. Toxench, Jehova vaittak boreacher zoit vhoronk diunchona mhunn amkam xikonk mellttolem.
HEA BHAGANT
LISANV 3
Adanv Ani Eve-n Devachem Aikonk Na
Eden bagentlem ek zhadd kiteak khas zaun aslem? Eve-n tea zhaddache foll kiteak khailem?
LISANV 4
Rag Vaittak Pavoita
Abelan dilʼlem bolidan Jehovak avoddlem. Punn Kainachem avddonk na. Hea vixim Kainak kollʼllem tednam to khub ragar zalo ani tannem ek khub vaitt kam kelem.
LISANV 5
Noah-an Bandloli Vhoddli Bott
Vaitt devdut prithumer ieun bailam lagim kazar zale ani tankam zolmolʼle put vhodd rakes-a sarke asle je dusreank sotaitale. Ani vaittponn sogleak posorlolem. Punn Noah ekloch her lokam thaun vegllo aslo karon to Devache aikotalo ani tacho mog kortalo.
LISANV 6
Buddtte Thaun Atth Lokancho Jiv Salvar Zalo
Buddtte vellar 40 dis ani 40 rat paus poddlo. Noah ani tachi famil sumar eka vorsa poros chodd temp bottintuch aslim. Tea uprant, Devan tankam bottintlean bhair soronk sanglem.
