Bhag 6-ant Kitem Xiktolim
Izraelitkaram xevottak Bhasailʼlea Desant pavtat, ani povitr tombu khorea bhoktecho khas zago zata. Devan dilʼlo Kaido iadnik lokank xikoitat, ani fuddari lokank margdorxon ditat. Ho bhag dakhoun dita ki dor ekleachea nirnnoiancho ani kornneancho dusreancher khub probhav poddtta. Dor eka Izraelitkaran Jehovak ani aplea lokank visvaxi ravonk zai aslem. Debora, Naomi, Joshua, Hana, Jeftha-chi dhuv ani Samuel, hancho dusreancher koso boro probhav poddtta tem sangat. Toxench, pordexi zoxem Rahab, Ruth, Jael, ani Gibeonitkar Izraelit lokank tenko ditat, karonn Dev tanchea sangata aslo mhunn te zannam asle, hem-ui bhurgeank sangat.
HEA BHAGANT
LISANV 29
Jehova Joshuak Vinchun Kaddtta
Devan Joshuak jeo suchounneo dileo teo aiz amkam pasun modot korunk xoktat.
LISANV 30
Rahab Bhediank Lipoita
Jerikocheo vontteo kosllon poddttat. Punn Rahabche ghor Jeriko xarachea vonntticher aslear pasun tem moddon poddona.
LISANV 31
Joshua ani Gibeonitkar
Joshuan Devak magnnem kelem: “Suria, asa thoinch rav!” Devan aikolem kai?
LISANV 32
Ek Novo Fuddari Ani Don Dhirvont Bailo
Joshua melea uprant Izraelitakaram murti-puza korunk laglim. Tancher tras ieta punn tankam fuddari Barak, provadin Debora, Jael ani tichea tombuchea khillea udexim modot melltta!
LISANV 33
Ruth Ani Naomi
Don bailo porot Izraelant voitat. Tanche dogainche ghov meleat. Tanchea modli ek bail asli Ruth. Ti xetant kam korunk voita zoim Boaz tika polloita.
LISANV 34
Gideon Midianitkarank Haroita
Midianitkaram Izrealitkarank khup tras ditat tednam tim modoti pasot Jehova lagim vinoti kortat. Gideonachi lhan soin dusmanachea 1,35,000 soinikank koxe haroita?
LISANV 35
Hana Eka Puta Khatir Magnnem Korta
Elkana Hanak, Peninak, ani bhurgeank Shilont aslolea povitr tombunt bhokti korunk vorta. Thoim Hana magnnem korun ek put magta. Eka vorsa uprant, ti Samuelak zolm dita!
LISANV 36
Jefthachi Promise
Jefthan kosli promise kelʼli ani kiteak? Aplea bapain kelʼli promise aikon Jefthache dhuven kitem sanglem?
LISANV 37
Jehova Samuela Lagim Uloita
Mha-iadnik Eliche don put tombunt iadnik mhunn seva kortale, punn te Devache kaide pallinasle. Lhan Samuel tanchea thaun vegllo aslo. Eke rati Jehova tachea lagim uloita.
LISANV 38
Jehova Samson-ak Bollixtt Korta
Filistevkara add zhuzonk, Dev Samsonak bollixtt korta. Punn Samson ek chukicho nirnnoi gheta tednam, Filistevar taka dhortat.
