Sumar 80 vorsanchea itihasant, Raza Sauluchea ani Raza David-achea jivitant kitem ghoddlem tem hea bhagant ami polloitolim. Survatek, Saulu khalti aslo ani Devachem aikotalo. Punn to rokddoch bodolʼlo ani Jehovachem aikona zalo. Dekhun Jehovan taka nakarlo ani Davidak Izraelacho fuddlo raza zaunk vinchun kadd mhunn Samuelak sanglem. Sauluk Davidachi nattkai zaunk lagli ani zaite pavtti tannem tacho jiv kaddcho proitn kelo. Punn Davidan kednanch bodlo gheunk na. Jehovanuch Davidak vinchun kaddla mhunn Sauluchea putak, Jonathanak khobor asli. Dekhun to sodanch taka visvaxi ravlo. Davidan thoddim gombhir patkam kelʼlim tem khorem, punn tannem kednanch Jehovachi xist nakarunk na. Tumkam bhurgim asat zalear, sodanch Jehovachi adnea pallun visvaxi ravop ani amkam margdorxon diunk zankam Jehovan vinchun kaddleat, tanchem aikop mhotvachem asa mhunn tankam xikoiat.