Jehovan hi prithum ani sorg, ani tantunt asat teo sogleo vostu rochleat mhunn Bible-ant survatek sanglam. Tumkam bhurgim asat zalear, tumi tankam Devan rochloleo veg-veglleo vostu dakhoun tea vixim ulounk zata. Tumi tankam sangonk zata ki Devan munxak zonvaram poros vegllo rochla. Zoxem tannem munxank ulounk, chintunk, noveo vostu toiar korunk, gavunk ani magnnem korunk tank dilea, ji zonvarank na. Jehovak kitli xokti ani zannvai asa tem tumchea bhurgeank sangat. To aple sogle rochnnecho, khas korun amcho dor ekleacho mog korta mhunn tankam dakhoun diat.