Tambddo Doria par korun don mhoine zalʼle, Izraelitkar atam Sinai dongra lagim asle. Thoim Jehova Dev Izraelitkarank apli khas porza korunk tanchea lagim ek korar korta. To tanchi rakhonn korta, ani tancheo sogleo gorzo purnn korta. To tankam jevunk manʼna dita ani ravonk ek surokxit zago dita. Toxench, to tanche kopdde piddʼddear zaunk dina. Tumkam bhurgim asat zalear, Jehovan Izraelitkarank Kaido kiteak dilʼlo, toxench, povitr tombu vixim ani iadnikponnachi manddavoll kiteak kelʼli tem somzaiat. Tea bhair, ami dilʼlem utor pallop, Jehovak visvaxi ravop, ani khalti ravop kiteak gorjechem tem somzaiat.