Bhag 12-ant Kitem Xiktolim
Jezun lokank sorginchea Rajea vixim xikoilem. Toxench tannem tankam Devachem nanv povitr zaunk, tachem Raj ieunk, ani tachi khuxi prithumer purnn zaunk magnnem korunk xikoilem. Tumkam bhurgim asat zalear, hem magnnem kiteak itlem mhotvachem asa tem tankam somzaiat. Jezun Soitanachem aikonk na, punn Devak visvaxi ravlo. Tannem apostlank vinchle ani te Devachea Rajeache sogleam-von poile sodoxio zale. Jezuk khore bhokte pasot kitli urba asli tacher dhean diat. To lokank modot korunk sodhtalo, dekhun tannem duentank bore kele, bhukeleank jevonn dilem ani meloleank pasun jivont kele. Tor Devachem Raj munxakulla pasot kitem kortolem hem soglem tannem apnnem kelʼlea vizmitam udexim dakhoilem.
HEA BHAGANT
LISANV 75
Soitan Jezuk Tallnnent Ghalta
Soitan Jezuk tin pavtti tallnnent ghalta. Tache tin tallnneo khoincheo? Ani Jezu tednam kitem korta?
LISANV 76
Jezu Devmondir Nitoll Korta
Jezu mondirantlean zonnvarank kiteak dhanvddaita? Ani to poixe bodoltoleanchim mezam kiteak umtim uddoita?
LISANV 77
Baim-chea Lagim Ek Bail
Jezu apnnam lagim uloilo mhunn Jakobache baim-che lagim asloli Samariekar bail kiteak ojap zali? Jezun tika kosli khobor sangli ji tannem kednanch konnak sangonk na?
LISANV 78
Jezu Rajea vixim porgott korta
Jezu aplea thoddea xisank munxam dhorpi zaunk ieukar dita. Uprant, to 70 xisank bori khobor porgottunk xikoita.
LISANV 79
Jezu Zaitim Vizmitam Korta
Jezu voita title-i kodden duent lok tachea koddem modot magonk ietale ani to tankam sogleank bore kortalo. To eka lhan chedvak jivont pasun korta.
LISANV 80
Jezu Bara Apostlank Vinchta
To tankam kiteak vinchun kaddtta? Tuka tanchim nanvam ugddas asa?
LISANV 82
Jezu Magnnem Korunk Xikoita
Jezun aplea xisank khoinchea vostu vixim ‘magot ravonk’ sanglem?
LISANV 86
Jezu Lazarak Jivont Korta
Marie roddtta tem polloun Jezu pasun roddonk lagta. Punn rokddinch tim khuxal zatat.
