FÃ 6
Yesu Fɔmɔ Kɛyashi Egbele Mli
Atsu bɔfo Gabriel kɛba oblayoo ko ni he yɔɔ fɛo ni atsɛɔ lɛ Maria lɛ ŋɔɔ. Ekɛɛ lɛ akɛ ebaafɔ bi ni ebaaye maŋtsɛ kɛya naanɔ. Afɔ Yesu, ni ji gbekɛ lɛ yɛ kooloi atsũ mli, ni tookwɛlɔi basara lɛ. Yɛ sɛɛ mli lɛ, ŋulami ko nyiɛ hii komɛi ni jɛ Boka lɛ ahiɛ kɛtee abifao lɛ ŋɔɔ. Wɔbaale mɔ ni ha amɛ nakai ŋulami lɛ, kɛ bɔ ni abaa Yesu yi yɛ mɔdɛŋ ni abɔ koni agbe lɛ lɛ fɛɛ sɛɛ.
No sɛɛ lɛ, wɔnaa Yesu, beni eye afii 12, ni ekɛ tsɔɔlɔi lɛ miiwie yɛ sɔlemɔwe lɛ. Afii 18 sɛɛ lɛ, abaptisi Yesu, ni eje Maŋtsɛyeli shiɛmɔ kɛ nitsɔɔmɔ nitsumɔ ni Nyɔŋmɔ tsu lɛ kɛba shikpɔŋ lɛ nɔ ni ebatsu lɛ shishi. Yesu hala hii 12 efee amɛ ebɔfoi koni amɛye amɛbua lɛ yɛ nitsumɔ nɛɛ mli.
Yesu fee naakpɛɛ nii pii hu. Ekɛ looi kɛ abolooi fioo ko lɛ gbɔmɛi akpei abɔ. Etsa helatsɛmɛi ni etee gbohii ashi po. Yɛ naagbee lɛ, wɔbaakase nibii babaoo ni ba Yesu nɔ yɛ ewala shihilɛ mli naagbee gbi lɛ nɔ, kɛ bɔ ni afee ni agbe lɛ lɛ he sane. Yesu kɛ aaafee afii etɛ kɛ fã shiɛ, no hewɔ lɛ Fã EKPAA lɛ wieɔ be ni fa fioo fe afii 34 he.
YƐ FÃ NƐƐ MLI
SANE 84
Ŋwɛibɔfo ko Basara Maria
Nyɔŋmɔ tsu lɛ ni eyakɛɛ Maria akɛ lɛ ebaafɔ mɔ ni baaye maŋtsɛ kɛya naanɔ lɛ.
SANE 85
Afɔ Yesu Yɛ Kooloi Atsũ Mli
Mɛni hewɔ afɔ mɔ ko ni baaye maŋtsɛ wɔsɛɛ lɛ yɛ he ni kooloi yeɔ nii yɛ?
SANE 86
Hii Ni Ŋulami Ko Tsɔɔ Amɛ Gbɛ
Namɔ nyiɛ hii lɛ ahiɛ kɛtee Yesu ŋɔɔ? Hetoo lɛ baahã onaa akpɛ ohe.
SANE 87
Gbekɛ Yesu Yɛ Sɔlemɔwe Lɛ
Efee nɔ ko ni hã hii onukpai ni tsɔɔ nii yɛ sɔlemɔwe lɛ loo sɔlemɔ shĩa lɛ anaa kpɛ amɛhe waa.
SANE 88
Yohane Baptisi Yesu
Yohane miibaptisi eshafeelɔi, shi Yesu efeee esha. Mɛni hewɔ Yohane baptisi lɛ?
SANE 89
Yesu Hã Sɔlemɔwe Lɛ Mli Tse
Yesu sumɔɔ Nyɔŋmɔ shĩa lɛ, ni no hewɔ emli fu mɛi ni hɔɔ nii yɛ jɛmɛ lɛ.
SANE 90
Ekɛ Yoo Lɛ Yɛ Nu Bu Lɛ He
Mɛni hewɔ Yesu kɛɛ yoo lɛ akɛ kɛ́ enu nu ni ebaahã lɛ lɛ, kumai yeŋ lɛ dɔŋŋ lɛ?
SANE 91
Yesu Tsɔɔ Nii Yɛ Gɔŋ Ko Nɔ
Nibii ni Yesu tsɔɔ mɛi yɛ e-Gɔŋ Nɔ Shiɛmɔ lɛ mli lɛ ahe yɛ sɛɛnamɔ ni amɛbe hooo.
SANE 92
Yesu Tee Gbohii Ashi
Yesu wie sane kuku ko pɛ ni Yairo biyoo lɛ te shi kɛjɛ gbohii ateŋ, ejaakɛ ekɛ hewalɛ ni Nyɔŋmɔ ehã lɛ lɛ tsu nii.
SANE 93
Yesu Hã Gbɔmɛi Pii Niyenii
Yesu lɛ mɛi akpei abɔ yɛ naakpɛɛ gbɛ nɔ, ni no hã ana nɔ ko ni he hiaa waa. Ani ole nɔ ni ji?
SANE 94
Esumɔɔ Gbekɛbii Bibii Asane
Yesu tsɔɔ bɔfoi lɛ akɛ jeee gbekɛbii ahe sane pɛ esa akɛ amɛkase, moŋ lɛ, esa akɛ amɛkase nii kɛjɛ gbekɛbii lɛ adɛŋ.
SANE 95
Gbɛ Ni Yesu Tsɔɔ Nɔ Etsɔɔ Nii
Bei pii lɛ, Yesu gbaa nɔkwɛmɔnii kɛtsɔɔ mɛi nii. Akɛ nɔkwɛmɔnɔ lɛ, egba nɔkwɛmɔnɔ ko ni kɔɔ Samaria naanyo kpakpa lɛ he.
SANE 97
Yesu Miiba Akɛ Maŋtsɛ
Asafoku babaoo ko miihere Yesu atuu, shi jeee mɔ fɛɛ mɔ ená nɔ ni yaa nɔ lɛ he miishɛɛ.
Ekolɛ Obaasumɔ Enɛ Hu
SANEBIMƆI NI BIBLIA LƐ EHÃ HETOO
Mɛɛ Be Aŋmala Yesu He Amaniɛbɔi Lɛ?
Be enyiɛ kã Yesu gbele lɛ kɛyashi aŋma Sanekpakpai lɛ ateŋ?
