Wɔmiifɔ̃ Bo Nine
Yesu Gbele Lɛ Kaimɔ
Soo, April 2, 2026
Wɔmiifɔ̃ bo nine kɛmiiya nifeemɔi srɔtoi enyɔ komɛi ashishi, aheee shika
Biblia Mli Maŋshiɛmɔ Krɛdɛɛ
“Namɔ Baasaa Shikpɔŋ Lɛ?”
Abaatsɔɔ gbɛjianɔ fɛfɛo ko ni Nyɔŋmɔ eto kɛhã shikpɔŋ lɛ kɛ adesai wɔsɛɛ.
Yesu Gbele Lɛ Kaimɔ
Yɛ nifeemɔ ni he hiaa waa nɛɛ shishi lɛ, Yehowa Odasefoi yeɔ gbi jurɔ ko kɛkaiɔ Yesu gbele lɛ, taakɛ efã ni afee lɛ lɛ.—Luka 22:19.
Saji Ni Mɛi Fɔɔ Bimɔ
Namɔ Baanyɛ Eba?
Mɔ fɛɛ mɔ baanyɛ eba. Obaanyɛ okɛ oweku lɛ aba.
Bei enyiɛ nifeemɔ nɛɛ baahe?
Biblia mli maŋshiɛmɔ krɛdɛɛ lɛ baahe minitii 30. No sɛɛ lɛ, akɛ ŋmɛlɛtswaa kome baasusu sane ko ni damɔ Biblia lɛ nɔ lɛ he, ni abaafee lɛ sanebimɔ kɛ hetoo.
Kaimɔ lɛ baahe aaafee ŋmɛlɛtswaa kome.
Nɛgbɛ abaafee yɛ?
Kɛ́ ootao hei ni abaafee nifeemɔi nɛɛ yɛ lɛ, klikimɔ “Taomɔ He Ni Abaafee Kaimɔ Lɛ Yɛ” loo “Taomɔ He Ni Abaahã Maŋshiɛmɔ Krɛdɛɛ Nɛɛ Eko Yɛ” ni yɔɔ ŋwɛi gbɛ lɛ.
Kɛ́ miba nifeemɔ nɛɛ lɛ, ani abaakpa gbɛ akɛ doo lɛ esa akɛ maba kpeei krokomɛi lɛ?
Dabi.
Ani abaahe kɔlɛshiŋ yɛ jɛmɛ?
Dabi. Wɔheee kɔlɛshiŋ yɛ wɔkpeei ashishi.—Mateo 10:8.
Ani atsɔɔ atade pɔtɛɛ ko ni esa akɛ awo?
Dabi. Kɛ̃lɛ, Yehowa Odasefoi saa amɛhe bɔ ni tsɔɔ akɛ amɛyɛ bulɛ kɛhã nifeemɔ krɔŋkrɔŋ nɛɛ.
Mɛni baaya nɔ yɛ Kaimɔ lɛ shishi?
Aláa kɛjeɔ kpee nɛɛ shishi, ni aláa kɛgbeɔ naa. Yehowa Odasefonyo ko sɔleɔ kɛjeɔ shishi ni Yehowa Odasefonyo ko hu sɔleɔ kɛgbeɔ naa. Nifeemɔ titri ni yaa nɔ yɛ Kaimɔ nɛɛ shishi lɛ ji wiemɔ ni ahãa kɛtsɔɔ nɔ hewɔ ni ehe bahia ni Yesu abagbo lɛ, kɛ nɔ ni esa akɛ wɔfee koni wɔná nɔ ni Nyɔŋmɔ kɛ Kristo efee ehã wɔ lɛ he sɛɛ.
Kɛhã enɛ he saji krokomɛi lɛ, kanemɔ sane ni ji, “Mɛni Hewɔ Esoro Bɔ Ni Yehowa Odasefoi Feɔ Nuŋtsɔ Lɛ Gbɛkɛ Niyeli Lɛ Yɛ Jamɔi Krokomɛi Lɛ Anɔ Lɛ He Lɛ?”
Mɛɛ be ekoŋŋ abaafee Kaimɔ Lɛ?
2026: Soo, April 2
2027: Ju, March 22
2028: Hɔgbaa, April 9
Kɛ́ ootao ole enɛ he saji krokomɛi lɛ, kwɛmɔ vidioi ni nyiɛ sɛɛ nɛɛ.
Kwɛmɔ vidio nɛɛ koni ona nɔ ni baaya nɔ yɛ Kaimɔ lɛ shishi, ni ona bɔ ni Yesu gbele lɛ baahã wɔná shihilɛ kpakpa wɔsɛɛ.
Ekolɛ onu akɛ ebagbo yɛ wɔhe eshai lɛ ahewɔ. Shi te feɔ tɛŋŋ ni adesai fɛɛ náa mɔ kome gbele he sɛɛ lɛ?
Mɛni Yaa Nɔ Yɛ Maŋtsɛyeli Asa Lɛ Nɔ?
Bo diɛŋtsɛ kwɛmɔ Asa lɛ mli koni ona nɔ ni yaa nɔ yɛ jɛmɛ.
Daunlodimɔ ninefɔ̃ɔ wolo nɛɛ henɔi srɔtoi.