Shi kɛya he ni ato saneyitsei lɛ anaa yɛ lɛ

Yehowa Odasefoi Asafoŋ Kpeei

Bɔɔ mɔdɛŋ ni ole wɔsafoŋ kpeei lɛ ahe saji. Taomɔ he ni bɛŋkɛ bo ni afeɔ wɔkpeei lɛ eko yɛ.

Coronavirus (COVID-19): Tsɛŋemɔ hela nɛɛ hewɔ lɛ, wɔtsɔɔ videoconference kɛ tɛlifon nɔ wɔfeɔ wɔkpeei lɛ. Kɛ́ ootao ole bɔ ni obaafee okɔnɛti wɔkpeei lɛ, bi Yehowa Odasefonyo ko loo klikimɔ Taomɔ He Ko Ni Bɛŋkɛ Bo lɛ nɔ yɛ shishigbɛ nɛɛ.

Taomɔ He Ko Ni Bɛŋkɛ Bo (opens new window)

Mɛni Yaa Nɔ Yɛ Wɔkpeei Ashishi?

Yehowa Odasefoi yaa asafoŋ kpeei shii enyɔ daa otsi. (Hebribii 10:​24, 25) Kɛ́ wɔtee kpeei nɛɛ, wɔpɛiɔ nɔ ni Biblia lɛ kɛɔ lɛ mli ni wɔkaseɔ bɔ ni wɔbaafee wɔkɛtsu nii yɛ wɔshihilɛ mli; mɔ fɛɛ mɔ yɛ hegbɛ akɛ ebaa kpeei nɛɛ eko.

Wɔsafoŋ kpeei ateŋ babaoo lɛ, wɔfeɔ lɛ toibolɔi kɛ sanegbaa, tamɔ bɔ pɛ ni afeɔ yɛ skul lɛ nɔŋŋ. Aláa ni asɔleɔ kɛjeɔ shishi, ni afeɔ nakai nɔŋŋ kɛgbeɔ naa.

Jeee ja Yehowa Odasefonyo ji bo pɛ dani obaanyɛ oba wɔkpeei lɛ. Wɔfɔ̃ɔ mɛi fɛɛ nine koni amɛba kpeei lɛ. Abiii ni mɔ ko awo shika ko dani eba kpeei nɛɛ. Anyɛɛɛ mɛi anɔ akɛ amɛha shika ko.