Shi kɛya he ni ato saneyitsei lɛ anaa yɛ lɛ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

BUU-MƆƆ FEBRUARY 2013

 SANEYITSO LƐ MLITSƆƆMƆ: MOSENƆ NI WƆKASEƆ KƐJƐƆ EDƐŊ

Namɔ Ji Mose?

Namɔ Ji Mose?

Kɛ́ onu gbɛ́i Mose lɛ, mɛni baa ojwɛŋmɔ mli? Ani nɔ ni baa ojwɛŋmɔ mli ji  . . .

  • gbekɛ nuu ni emami kɛ lɛ wo kɛntɛŋ mli kɛyama Nilo Faa lɛ mli lɛ?
  • gbekɛ nuu ni Farao biyoo lɛ tsɔse lɛ yɛ ogbɔjɔ shihilɛ mli yɛ Mizraim—kɛlɛ ehiɛ kpaaa nɔ kɔkɔɔkɔ akɛ eji Israelnyo lɛ?
  • nuu ni hi shi akɛ tookwɛlɔ afii 40 yɛ Midian lɛ?
  • nuu ni kɛ Yehowa * gba sane yɛ ŋmeitso ko ni miitso lɛ hiɛ lɛ?
  • nuu ni kɛ ekãa kɛɛ Mizraim maŋtsɛ lɛ akɛ eŋmɛɛ Israelbii lɛ ahe kɛjɛ nyɔŋyeli mli lɛ?
  • nuu ni, yɛ Nyɔŋmɔ gbɛtsɔɔmɔ naa lɛ, ejaje Haomɔi Nyɔŋma eshwie Mizraim nɔ beni Mizraim maŋtsɛ lɛ tse anɔkwa Nyɔŋmɔ lɛ hiɛ atua lɛ?
  • nuu ni nyiɛ Israelbii asafo yuu lɛ ahiɛ kɛshi Mizraim lɛ?
  • nuu ni akɛ lɛ tsu nii kɛgba Ŋshɔ Tsuru lɛ mli lɛ?
  • nuu ni kɛ Kitai Nyɔŋma ni Nyɔŋmɔ kɛha lɛ lɛ yaha Israelbii lɛ?

MOSE fee nibii nɛɛ fɛɛ kɛ ekrokomɛi hu ni fata he. Belɛ ebɛ naakpɛɛ mɔ akɛ Kristofoi, Yudafoi, kɛ Muslimbii fɛɛ buɔ nɛkɛ nuu anɔkwafo nɛɛ waa nakai lɛ!

Eyɛ pefee akɛ, Mose ji gbalɔ ko ni fee ‘nibii ni yɔɔ naakpɛɛ kɛ gbeyei.’ (5 Mose 34:10-12) Eŋmɛ gbɛ ni Nyɔŋmɔ kɛ lɛ tsu nii jogbaŋŋ diɛŋtsɛ. Kɛlɛ, Mose jeee adesa srɔto ko. Taakɛ gbalɔ Elia, ní ana ekɛ Mose damɔ shi yɛ ninaa ko mli beni Yesu tsuɔ eshikpɔŋ nɔ sɔɔmɔ nitsumɔ lɛ ji lɛ, Mose “ji gbɔmɔ adesa tamɔ wɔ nɔŋŋ.” (Yakobo 5:17; Mateo 17:1-9) Mose kɛ naagbai ni wɔkɛkpeɔ ŋmɛnɛ lɛ babaoo kpe, ni enyɛ eye naagbai nɛɛ anɔ kɛmɔ shi.

Ani obaasumɔ ni ole bɔni etsɔ efee nakai? Susumɔ sui kpakpai ni Mose jie lɛ kpo lɛ amli etɛ, kɛ nɔ ni wɔbaanyɛ wɔkase kɛjɛ enɔkwɛmɔnɔ lɛ mli lɛ ahe.

^ kk. 7 Yehowa ji Nyɔŋmɔ gbɛ́i taakɛ ejeɔ kpo yɛ Biblia lɛ mli lɛ.