Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

BUU-MƆƆ (NIKASEMƆ NƆ̃) OCTOBER 2013

Ani Obaanyɛ Ofee Babaoo Kɛbɔ Mɛi Kɔkɔ?

Ani Obaanyɛ Ofee Babaoo Kɛbɔ Mɛi Kɔkɔ?

Sini ko ni afee ni awieee yɛ mli ni yitso ji, A Trip Down Market Street lɛ haa onaa bɔ ni kulɛ nibii yaa nɔ yɛ maŋ ko ni yɔɔ U.S.A. ni atsɛɔ lɛ San Francisco lɛ mli beni afi 1900 afii lɛ je shishi lɛ. Mɛi ni sha sini nɛɛ kɛ tsɔne ni akɛshaa sini lɛ ma tsɔne ko hiɛ ni amɛkɛ ehiɛ tsɔɔ gbɛjegbɛ ni kã amɛhiɛ lɛ nɔ. Obaana okpɔŋɔi ni miigbala shwiilii, blema tsɔji, jarayelɔi, kɛ oblahii ni miihɔɔ adafitswaa woji miiya miiba.

Eeenyɛ efee akɛ asha sini nɛɛ yɛ April 1906, ni no sɛɛ etsɛɛɛ ni shikpɔŋhosomɔ ni yɔɔ gbeyei ni ba yɛ April 18 kɛ la ni je ni gbe mɛi akpei abɔ ni shwɛ fioo kulɛ ekpata nakai akutso lɛ fɛɛ hiɛ lɛ ba, ni no haa sini nɛɛ feɔ sini ni yɔɔ mɔbɔ. Ekolɛ mɛi ni yɔɔ sini lɛ mli ekomɛi gboi yɛ nakai oshara lɛ mli. Scott Miles, ni ji mɛi ni fee sini nɛɛ ashwiei lɛ ateŋ mɔ kome lɛ wie akɛ: “Miina mɛi lɛ miiya miiba, shi amɛleee akɛ nɔ ko baaba amɛnɔ. Ni amɛnii miifee mi mɔbɔ.”

Afi 1906 shikpɔŋhosomɔ ni ba trukaa kɛ la ni je yɛ San Francisco lɛ kpata nibii babaoo ahiɛ yɛ maŋ lɛ mli

Sini nɛɛ tamɔ shihilɛ ni mɛi babaoo yɔɔ mli ŋmɛnɛ lɛ pɛpɛɛpɛ. Ni wɔ hu amɛnii feɔ wɔ mɔbɔ. Amɛmiiya amɛmiiba daa gbi, shi amɛleee akɛ abaakpata nibii agbɛjianɔtoo nɛɛ hiɛ, ni akɛ, amɛwala hu baayaje oshara mli. Yehowa kojomɔ gbi ni baa lɛ tamɔɔɔ shikpɔŋhosomɔ ni ba trukaa lɛ, ejaakɛ wɔle ni wɔyɛ be fioo ni wɔbaanyɛ wɔkɛbɔ mɛi kɔkɔ yɛ he. Ekolɛ daa otsi lɛ, okɛ be fioo yashiɛɔ yɛ shinaa kɛ shinaa naa, shi ani obaanyɛ ofee babaoo kɛbɔ mɛi kɔkɔ?

YESU SAA EHE ETO NI ESHIƐ BE FƐƐ BE

Yesu fee nɔkwɛmɔnɔ ni nɔ bɛ ejaakɛ esaa ehe eto ni eshiɛ be fɛɛ be. Eshiɛ eha mɔ fɛɛ mɔ ni ekɛkpe, eshiɛ eha toohelɔ ko ni ekɛkpe yɛ gbɛ nɔ, ni eshiɛ eha yoo ko hu ni banina lɛ yɛ nubu ko he shwane ketekete. (Luka 19:1-5; Yoh. 4:5-10, 21-24) Be ko po ni Yesu to akɛ eyaajɔɔ ehe lɛ, ejɛ esuɔmɔ mli etsi ehejɔɔmɔ lɛ eto ni etsɔɔ mɛi anii. Bɔ ni emusuŋ tsɔ lɛ yɛ mɛi ahe lɛ ha eye amɛ odase babaoo. (Mar. 6:30-34) Taakɛ Yesu fee lɛ, ŋmɛnɛ lɛ, mɛɛ gbɛ nɔ mɛi kɛ hiɛdɔɔ shiɛɔ akɛni be lɛ faaa lɛ hewɔ?

AMƐKƐ HEGBƐ FƐƐ HEGBƐ YEƆ ODASE

Nyɛmi yoo ko ni atsɛɔ lɛ Melika lɛ yɛ he ko ni ja aŋmɛ bo gbɛ dani obaanyɛ obote mli, no hewɔ lɛ ewa akɛ aaashiɛ yɛ jɛmɛ. Mɛi ni ekɛyɔɔ jɛmɛ lɛ ateŋ mɛi pii ji skulbii ni jɛ maŋsɛɛ, eleee amɛmobail nɔmba lɛ, eleee amɛgbɛ́i hu. Enɛ hewɔ lɛ, kɛ́  ekɛ mɛi ni yɔɔ jɛmɛ lɛ eko kpe yɛ ablanaa lɛ nɔ loo lift lɛ mli lɛ, ekɛ lɛ gbaa Biblia mli saji. Ekɛɛ akɛ: “Miŋɔ jɛmɛ akɛ mishikpɔŋkuku.” Melika hiɛɔ woji babaoo ni yɔɔ wiemɔi srɔtoi amli yɛ ehe, ni mɛi babaoo ŋɔɔ dɛhiɛmɔ woji kɛ woji tɛtrɛbii lɛ eko. Agbɛnɛ hu, etsɔɔ amɛ wɔ-Wɛb saiti ni ji, jw.org lɛ. Ekɛ mɛi pii ebɔi Biblia lɛ kasemɔ.

Nyɛmi yoo ko hu ni atsɛɔ lɛ Sonia lɛ saa ehe akɛ ebaaye mɔ fɛɛ mɔ ni ebaana lɛ odase. Etsuɔ nii yɛ helatsamɔhe ko, ni etswa efai shi akɛ ebaaye mɛi ni ekɛtsuɔ nii lɛ ateŋ mɔ fɛɛ mɔ odase. Klɛŋklɛŋ lɛ, ebɔ mɔdɛŋ akɛ ebaale amɛteŋ mɔ fɛɛ mɔ hiamɔ nii kɛ nɔ ni enyaa he. No sɛɛ lɛ, kɛ́ amɛba shwane hejɔɔmɔ lɛ, ekɛ amɛteŋ mɔ fɛɛ mɔ gbaa Biblia mli sane. Enɛ ha Sonia kɛ mɛi enyɔ bɔi Biblia lɛ kasemɔ. Amrɔ nɛɛ eeto gbɛjianɔ koni bei komɛi lɛ, ekɛ mɛi ni mɛɔ koni akwɛ amɛ lɛ agba Biblia mli sane beni eba shwane hejɔɔmɔ lɛ.

SHIƐMƆ YƐ SHIHILƐ FƐƐ SHIHILƐ MLI

Mɔ ko ni yi na wala yɛ afi 1906 shikpɔŋhosomɔ lɛ mli lɛ kɛɛ akɛ, “no ji oshara ni naa wa fe fɛɛ ni enina maŋtiase ko pɛŋ.” Shi etsɛŋ, kɛ́ gbi ni akɛbaatɔ owele yɛ “mɛi ni leee Nyɔŋmɔ” lɛ anɔ lɛ shɛ lɛ, abaana akɛ oshara ko bako pɛŋ ni tamɔ no. (2 Tes. 1:8) Yehowa miisumɔ waa akɛ mɛi atsake amɛjwɛŋmɔ kɛ amɛtsui, ni amɛbo kɔkɔbɔɔ ni e-Dasefoi lɛ shiɛɔ lɛ toi.—2 Pet. 3:9; Kpoj. 14:6, 7.

Ani obaanyɛ oye odase yɛ shihilɛi ni onaa akɛ obaanyɛ ofee nakai lɛ amli daa gbi?

Oná hegbɛ ni okɛaaha mɛi ale akɛ wɔyɛ jaramɔ bei amli, ni oye obua amɛ ni amɛtao Yehowa sɛɛ gbɛ moŋ fe ni amɛaatiu amɛ diɛŋtsɛ amɛnibii asɛɛ. (Zef. 2:2, 3) Ani obaanyɛ oye mɛi ni okɛtsuɔ nii, okutsoŋbii, kɛ mɛi ni okɛkpeɔ daa gbi lɛ fɛɛ odase be fɛɛ be? Ani obaafee babaoo kɛbɔ mɛi kɔkɔ?