Petro Wolo Ni Ji Enyɔ Lɛ 3:1-18

  • Hefɛoyelɔi lɛ kuɔ amɛhiɛ amɛfɔ̃ɔ hiɛkpatamɔ ni baa lɛ nɔ (1-7)

  • Yehowa sɛɛ gbalaaa shi (8-10)

  • Nyɛsusua nɔ gbɔmɛi ni esa akɛ nyɛtsɔmɔ lɛ he (11-16)

    • Ŋwɛi hee kɛ shikpɔŋ hee (13)

  • Nyɛkwɛa jogbaŋŋ koni akahã nyɛdu gbɛ (17, 18)

3  Agbɛnɛ, mɛi ni asumɔɔ, enɛ ji wolo ni ji enyɔ ni miŋmaa nyɛ, ni tamɔ bɔ ni eji yɛ nɔ ni miŋma klɛŋklɛŋ lɛ mli lɛ, miitsɔ kaimɔ nɔ miikanya nyɛnyɛmɔ ni nyɛkɛjwɛŋɔ jogbaŋŋ lɛ yɛ enɛ hu mli,+  koni nyɛkai wiemɔi ni gbalɔi krɔŋkrɔŋi lɛ wie be ko ni eho* lɛ, kɛ Nuŋtsɔ kɛ Yiwalaherelɔ lɛ kitãi lɛ ni atsɔ nyɛbɔfoi lɛ anɔ akɛhã lɛ.  Klɛŋklɛŋ kwraa lɛ, nyɛlea enɛ akɛ, naagbee gbii lɛ amli lɛ, hefɛoyelɔi kɛ amɛfɛoyeli baaba, amɛbaanyiɛ yɛ nibii ni amɛ diɛŋtsɛ amɛshweɔ lɛ anaa+  ni amɛbaakɛɛ akɛ: “Nɛgbɛ be ni eba ni awo he shi lɛ yɔɔ?+ Naa, kɛjɛ be ni wɔtsɛmɛi lɛ gboi* nɛɛ, nibii fɛɛ miiya nɔ tamɔ bɔ ni amɛji kɛjɛ adebɔɔ shishijee mli lɛ nɔŋŋ.”+  Ejaakɛ amɛjeɔ gbɛ amɛkuɔ amɛhiɛ amɛfɔ̃ɔ anɔkwa sane nɛɛ nɔ, akɛ kɛjɛ blema tɔ̃ɔ lɛ ŋwɛi yɛ, ni shikpɔŋ hu jɛ nu mli ebama shi shiŋŋ ni eyɛ nu teŋ yɛ Nyɔŋmɔ wiemɔ lɛ naa;+  ni akɛ, atsɔ nomɛi anɔ akɛ nu afua kpãtã jeŋ ni yɔɔ nakai beiaŋ lɛ hiɛ.+  Shi ŋwɛi kɛ shikpɔŋ ni yɔɔ amrɔ nɛɛ, nakai wiemɔ lɛ nɔŋŋ nɔ atsɔ akɛ amɛ to hã la, ni akɛ amɛ eto kɛyashi kojomɔ kɛ mɛi ni ebuuu Nyɔŋmɔ lɛ ahiɛkpatamɔ gbi lɛ nɔ.+  Shi mɛi ni asumɔɔ, nyɛhiɛ akakpaa anɔkwa sane nɛɛ nɔ akɛ, Yehowa* buɔ gbi kome akɛ afii 1,000, kɛ afii 1,000 hu akɛ gbi kome.+  Jeee akɛ Yehowa* sɛɛ miigbala shi yɛ eshiwoo lɛ he,+ tamɔ bɔ ni mɛi komɛi buɔ nɔ ko akɛ esɛɛ egbala shi lɛ, shi moŋ etsui shi etoɔ ehãa nyɛ, ejaakɛ esumɔɔɔ akɛ akpãtã mɔ ko mɔ ko hiɛ, shi moŋ eesumɔ ni mɛi fɛɛ atsake amɛtsui.+ 10  Shi Yehowa* gbi+ lɛ baaba tamɔ julɔ,+ nɔ mli ni ŋwɛi baaho aya+ kɛ nugbɔshiimɔ gbɛɛmɔ ni naa wa,* shi nibii ni feɔ ŋwɛi kɛ shikpɔŋ lɛ ni amɛdɔ waa lɛ baasere, ni abaana shikpɔŋ lɛ kɛ emli nitsumɔi lɛ faŋŋ.+ 11  Akɛni nɛkɛ nibii nɛɛ fɛɛ baasere yɛ nɛkɛ gbɛ nɔ hewɔ lɛ, nyɛsusua nɔ gbɔmɛi ni esa akɛ nyɛtsɔmɔ lɛ he. Nyɛhiɛa jeŋbai krɔŋkrɔŋi amli, ni nyɛkɛ nyɛhe awoa Nyɔŋmɔjamɔ nifeemɔi amli, 12  be mli ni nyɛmɛɔ ni nyɛhãa Yehowa* gbi lɛ baa*+ lɛ hiɔ nyɛjwɛŋmɔ mli jogbaŋŋ lɛ,* gbi ni akɛbaakpãtã ŋwɛi hiɛ+ yɛ la mli ni nibii ni feɔ ŋwɛi kɛ shikpɔŋ lɛ baasere yɛ dɔlɛ ni naa wa waa lɛ mli lɛ! 13  Shi yɛ eshiwoo lɛ naa lɛ, wɔmiimɛ ŋwɛi hee kɛ shikpɔŋ hee,+ ni nomɛi amli jalɛ baahi.+ 14  No hewɔ lɛ, mɛi ni asumɔɔ, akɛni nyɛmiimɛ nibii nɛɛ hewɔ lɛ, nyɛbɔa mɔdɛŋ fɛɛ ni nyɛaanyɛ koni yɛ naagbee lɛ ena nyɛ akɛ mɛi ni muji kɛ kpa ko bɛ amɛhe, yɛ toiŋjɔlɛ mli.+ 15  Agbɛnɛ hu, nyɛbua wɔ-Nuŋtsɔ lɛ tsuishitoo lɛ akɛ yiwalaheremɔ, tamɔ bɔ ni Paulo, wɔnyɛmi ni wɔsumɔɔ lɛ lɛ hu ŋma nyɛ yɛ hiɛshikamɔ ni akɛhã lɛ lɛ naa lɛ pɛpɛɛpɛ,+ 16  ewieɔ nibii nɛɛ ahe tamɔ bɔ ni efeɔ yɛ ewoji lɛ fɛɛ amli lɛ. Shi nibii komɛi yɛ nomɛi amli ni shishinumɔ wa, ni mɛi ni leee nɔ ko* ni nane mɔko shi lɛ tsɔmɔɔ nɛkɛ nibii nɛɛ ahiɛ amɛbumɔɔ shi, tamɔ bɔ ni amɛfeɔ ŋmalɛi ni eshwɛ lɛ hu kɛkpãtãa amɛ diɛŋtsɛ amɛhiɛ lɛ. 17  No hewɔ lɛ, mɛi ni asumɔɔ, nyɛ lɛ, akɛni nyɛle enɛ momo hewɔ lɛ, nyɛkwɛa jogbaŋŋ koni nɔtɔlɔi lɛ atɔmɔ lɛ akahã nyɛ kɛ amɛ fɛɛ du gbɛ ni nyɛjɛ nyɛ diɛŋtsɛ nyɛshifimɔ lɛ* mli nyɛgbee shi.+ 18  Dabida, shi moŋ, nyɛyaa nɔ nyɛdaraa yɛ wɔ-Nuŋtsɔ kɛ Yiwalaherelɔ Yesu Kristo dromɔ kɛ ehe nilee lɛ mli. Lɛ akɛ anunyam ahã amrɔ nɛɛ kɛ agbɛnɛ hu kɛmiiya naanɔ.* Amen.

Shishigbɛ Niŋmaa

Loo “nibii ni gbalɔi krɔŋkrɔŋi lɛ gba.”
Loo “yawɔwɔi.”
Loo “gbɛɛmɔ ni hoɔ oya.”
Greek sht. ŋm., “be ni Yehowa gbi lɛ eba.”
Loo “nyɛmɛɔ ni nyɛshweɔ Yehowa gbi lɛ baa lɛ.” Greek sht. ŋm., “nyɛmɛɔ ni nyɛwoɔ be ni Yehowa gbi lɛ eba lɛ foi lɛ.”
Loo “mɛi ni ekaseko nɔ ko.”
Loo “shi ni nyɛdamɔ jogbaŋŋ lɛ.”
Loo “naanɔ gbi lɛ nɔ.”