Shi kɛya he ni ato saneyitsei lɛ anaa yɛ lɛ

Shi kɛya saneyitsei bibii lɛ anɔ

Yehowa Odasefoi

Ga

Mɛni Hewɔ Atsɛɔ Yesu akɛ Nyɔŋmɔ Bi Lɛ?

Mɛni Hewɔ Atsɛɔ Yesu akɛ Nyɔŋmɔ Bi Lɛ?

Hetoo ni Biblia lɛ kɛhãa

Nyɔŋmɔ bɛ ŋa diɛŋtsɛ ni ekɛfɔ bii. Shi Nyɔŋmɔ ji nibii fɛɛ ni wala yɔɔ amɛmli lɛ a-Bɔlɔ. (Kpojiemɔ 4:11) No hewɔ lɛ, atsɛɔ klɛŋklɛŋ adesa ni Nyɔŋmɔ bɔ ni ji Adam lɛ, akɛ “Nyɔŋmɔ bi.” (Luka 3:38) Nakai nɔŋŋ Biblia lɛ tsɔɔ akɛ Nyɔŋmɔ bɔ Yesu. No hewɔ ni atsɛɔ Yesu hu akɛ “Nyɔŋmɔ Bi lɛ.Yohane 1:49.

Nyɔŋmɔ bɔ Yesu dani ebɔ Adam. Bɔfo Paulo ŋma yɛ Yesu he akɛ: “Mɔ nɔŋŋ ni ji Nyɔŋmɔ ni anaaa lɛ subaŋ, bɔɔ nii fɛɛ ateŋ kromɔbi lɛ.” (Kolosebii 1:15) Yesu wala je shishi yɛ ŋwɛi jeeŋmɔ dani abafɔ lɛ yɛ kooloi alɛɛhe ko yɛ Betlehem. Anɔkwa, Biblia lɛ kɛɔ akɛ “ekpojeei jɛ blema beebe kɛjɛ naanɔ gbii lɛ amli lɛ.” (Mika 5:1) Ákɛ Nyɔŋmɔ kromɔbi lɛ, Yesu hi shi yɛ ŋwɛi akɛ mumɔŋ bɔɔnɔ dani abafɔ lɛ yɛ shikpɔŋ lɛ nɔ akɛ adesa. Yesu diɛŋtsɛ kɛɛ akɛ: “Mijɛ ŋwɛi miba.—Yohane. 6:38; 8:23.